Паводле афіцыйнага ліста польскай пракуратуры, з якім азнаёмілася агенцтва Reuters, Агенцтва ўнутранай бяспекі Польшчы (ABW) цяпер дапамагае расследаваць злачынствы супраць Паўла Латушкі, якія трапляюць пад катэгорыі «падбухторванне да забойства» і «дзейнасць замежных спецслужбаў».
Пад замежнымі спецслужбамі маюцца на ўвазе беларускія ці расійскія, адзначаюць журналісты.
Сам Латушка пракаментваў Reuters сітуацыю так.
«За апошнія паўгода значна павялічылася колькасць пагроз у дачыненні да мяне і іншых прадэмакратычных актывістаў.
У апошні час мы таксама зафіксавалі актывізацыю спробаў аказаць ціск на канкрэтных членаў нашай каманды з боку людзей, якія выдаюць сябе за афіцэраў КДБ. Яны выкарыстоўваюць метады хабарніцтва, шантажу і пагроз рэпрэсій у дачыненні да нашых сваякоў і сяброў», — заявіў Латушка ў каментары да агенцтва Reuters.
Нагадаем, што нядаўна Павел Латушка ў інтэрв'ю польскаму парталу Onet расказаў пра дзейнасць беларускіх спецслужбаў за мяжой і пра небяспеку ў сувязі з гэтым для сябе асабіста.
У ім палітык адзначыў, што можа асцерагацца піць ваду ці каву ў грамадскіх месцах, і што яго забойства замовілі ў даркнэце за ўзнагароду 30 тыс. еўра.
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося13
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі77
Каментары
Пагрозы панятна, шантаж панятна. А што за "метады хабарніцтва"?
Людзі, якія выдаюць сябе за афіцэраў КДБ даюць хабары сваякам і сябрам каманды Латушкі?