Пасля 2 гадоў зняволення выйшаў на волю старшыня АГП Мікалай Казлоў
Яго асудзілі ў лістападзе 2022 года да двух з паловай гадоў калоніі.
Выйшаў на волю старшыня Аб'яднанай грамадзянскай партыі Мікалай Казлоў, паведаміў у фэйсбуку яго паплечнік Анатоль Лябедзька.
Мікалая Казлова першы раз асудзілі ў жніўні 2021 года да трох месяцаў арышту. Яго прызналі вінаватым паводле ч. 1 арт. 407 Крымінальнага кодэкса за разгалашэнне звестак паводле крымінальнай справы супраць Каардынацыйнай рады, але канкрэтныя эпізоды абвінавачвання невядомыя, бо суд праходзіў у закрытым рэжыме. Быў вызвалены 26 сакавіка 2022 года па заканчэнні тэрміну.
27 ліпеня 2022 года Казлова зноў затрымалі. Паводле абвінавачання, Казлоў, яго паплечніцы Антаніна Кавалёва і Аксана Аляксеева 23 жніўня 2020 года «публічна выкрыквалі лозунгі, гучна апладзіравалі, знаходзіліся на праезнай частцы, чым блакавалі і перашкаджалі руху транспарту ў Мінску, у тым ліку гарадскога пасажырскага транспарту «Мінсктранса»
Вынік — два з паловай гады пазбаўлення волі ў калоніі ва ўмовах агульнага рэжыму.
Мікалай Казлоў выйшаў па сканчэнні тэрміну, а не па памілаванні. Яму залічылі ў адбыты тэрмін тыя тры месяцы арышту па іншай крымінальнай справе, якія ён адбыў у пачатку 2022 года.
-
Антаніна Канавалава расказала, як яе прымушалі падпісаць прашэнне пра памілаванне
-
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце
-
«Хапай яе за азадак, зацягні ў туалет». У Варшаве заявілі ў пракуратуру на пікап-трэнера з Беларусі Алекса Леслі
Цяпер чытаюць
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце19
Каментары