Ці пачне Лукашэнка выпускаць палітвязняў пасля выбараў-2025? Бачанне Стрыжака
«Працэс будзе адбывацца так, як цяпер».
Ці пачне Лукашэнка выпускаць палітвязняў пасля выбараў 2025 года? Кіраўнік фонду салідарнасці BySol Андрэй Стрыжак выказаў сваё меркаванне ў выпуску ТОКу:
«Думаю, што гэты працэс будзе адбывацца так, як і цяпер: скончыўся тэрмін — выйшаў. Могуць быць нейкія індывідуальныя сітуацыі, дзе хтосьці за кагосьці ўступіцца, дзе ў кагосьці акажацца яшчэ адно грамадзянства, ці можа будзе нейкая прыватная палітычная воля».
«На жаль, для Лукашэнкі людзі — гэта абсалютна танны расходны рэсурс. Бо іх шмат. Імі можна гандляваць, набіраць новых. Што ён і робіць усе гэтыя гады».
Стрыжак не адмаўляе імавернасці пачатку працэсу вызвалення палітвязняў, але не звязвае гэта з выбарамі 2025 года. На яго думку, усё залежыць ад Расіі:
«Усё залежыць ад Крамля. Наколькі ён дасць яму [Лукашэнку] быць больш-менш незалежным у сваіх рашэннях на знешнім вектары, так ён і будзе рабіць. Менавіта ад гэтага ўсё залежыць.
Таму я не думаю, што 2025 год будзе нейкай адсечкай. 2025-ты ўжо не такі важны, як гэта было ў папярэднія гады, калі Лукашэнку было важна легітымізаваць сябе праз унутраныя працэдуры. Цяпер яго легітымнасць сыходзіць з ягонага гвалту.
Раней гэта была грамадская дамова: «Мы табе ўсе свае правы і свабоды, а ты нам чарку, шкварку і інамарку». І на гэтым трымаўся баланс. Цяпер ён трымаецца на страху, гвалце, абмежаваннях».
Глядзіце цалкам:
Цяпер чытаюць
Сыны «літоўскага шпіёна» адправілі Лукашэнку ліст. Тым часам усплылі новыя дэталі яго справы9
Каментары
Зачем ей кого-то выпускать?
Наоборот, они будут бросать в тюрьмы и выдавливать в эмиграцию (экономическую, политическую) сотни тысяч беларусов. Пока не доведут численность и состав населения, состоящие только из запуганных и лояльных, когда в стране не остнется свободных, здоровых, образованных, активных, работающих. Т.е. когда Беларусь будет приведена к состоянию Воронежской области в составе России и русского мира, заселенная россиянами вместо беларусов.
В такой ситуации непонятно, для чего им имитация выборов ?
Логичнее вообще не проводить имитацию выборов...