У Бангладэш будзе сфарміраваны Часовы ўрад. Пра гэта абвясціў галоўнакамандуючы арміі генерал Вакар-Уз-Заман.
Дым на корпусам Медыцынскага ўніверсітэта ў сталіцы краіны. Фота:
Паводле яго слоў, усе вінаватыя ў забойствах і пагромах будуць пакараныя. «Верце ў армію. Мы правялі сустрэчы з лідарамі палітычных партый», — заявіў ён.
На фоне пратэстаў у краіне з Бангладэш з'ехала прэм'ер-міністр краіны Шэйх Хасіна. Яна падала ў адстаўку і паляцела на верталёце ў Індыю. Пратэстоўцы раніцай 5 жніўня ўварваліся на тэрыторыю рэзідэнцыі прэм'ера, піша РБК.
Мітынгі ў краіне пачаліся ў канцы чэрвеня, іх удзельнікі (у першую чаргу студэнты) патрабавалі пакласці канец сістэме квот, якая рэзервуе да 30% дзяржаўных пасад для членаў сем'яў ветэранаў, якія змагаліся ў вайне за незалежнасць Бангладэш у 1971 годзе.
Праціўнікі сістэмы назвалі яе дыскрымінацыйнай і якая прыносіць карысць прыхільнікам Хасіны, чыя партыя «Авамі ліг» узначаліла рух за незалежнасць.
У выніку на акцыях паўсталі лозунгі з заклікам да адстаўкі Хасіны. На фоне росту напружанасці ў краіне ўвялі каменданцкую гадзіну і адключылі мабільны Інтэрнэт, што прывяло да $10 млрд шкоды эканоміцы краіны.
Паводле звестак NDTV, падчас пратэстаў загінулі звыш 300 чалавек, сярод іх і дэманстранты, і паліцыянты.
76-гадовая Хасіна была ва ўладзе з 2009 года, у студзені гэтага года яе пераабралі на чацвёрты тэрмін, апазіцыя байкатавала выбары.
Цяпер чытаюць
Вучэбка ў Пскове, абяцанне ануляваць крэдыты і судзімасці, але ні слова пра самае важнае. Як беларусаў вярбуюць на вайну5
Вучэбка ў Пскове, абяцанне ануляваць крэдыты і судзімасці, але ні слова пра самае важнае. Як беларусаў вярбуюць на вайну
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары