У Мазыры перад прыездам Лукашэнкі двойчы за дзень паказальна затрымалі работніка НПЗ
У затрыманні ўдзельнічалі служба аховы прадпрыемства і ГУБАЗіК.
Работніка Мазырскага НПЗ Ігара Шуканава двойчы паказальна затрымалі 1 жніўня — перад прыездам у горад Лукашэнкі.
Першае затрыманне 61-гадовага мужчыны праводзіла служба бяспекі МНПЗ — «балалаеўцы». Народная назва заводскай спецслужбы атрымала па прозвішчы былога супрацоўніка КДБ Уладзіміра Балалаева, які ўзначальваў службу бяспекі прадпрыемства з сярэдзіны 1990-х і да 2021 года, піша «Флагшток».
На прахадной супрацоўнікі аховы НПЗ высадзілі Шуканава са службовага УАЗа. А затым проста там яго затрымалі другі раз — ужо супрацоўнікі ГУБАЗіКа.
Сілавікі чакалі работніка завода на шэрым мікрааўтобусе МАЗ з мінскім нумарам АМ 6046-7. У затрыманні Шуканава ўдзельнічалі пяць міліцыянтаў: двое зрабілі яго захоп і паклалі тварам у асфальт, пры гэтым адзін з іх утрымліваў шыю завадчаніна каленам.
Затрымлівалі Шуканава паказальна і ў мэтах застрашвання ягоных калегаў — сведкамі былі работнікі МНПЗ, якія стаялі на прыпынку.
Шуканава затрымалі за рэпосты незалежных СМІ ў фэйсбуку, у якіх выказвалася нязгода з вынікамі прэзідэнцкіх выбараў 2020 года.
У той жа дзень 1 жніўня мужчыну асудзілі па другой частцы артыкула 19.11 «распаўсюд інфармацыйнай прадукцыі, уключанай у рэспубліканскі спіс экстрэмісцкіх матэрыялаў». Рашэнне суда невядома. 6 жніўня змесціва асабістай старонкі мазыраніна было выдаленае.
Перад візітам Лукашэнкі ў Мазыры за палітыку затрымалі не менш за 5 чалавек.
Цяпер чытаюць
Ціханоўскі адказаў Ціханоўскай: Чамусьці не згадваецца, што рэабілітацыя сына адбывалася ў кватэрах і дамах, якія я купіў104
Каментары