Спорт22

Спартсменку з Індыі не дапусцілі да алімпійскага фіналу з-за 100 грамаў лішняй вагі. Яна страціла і срэбра

Спартсменка з Індыі Вінеш Пхагат, якая прабілася ў фінал турніру ў вольнай барацьбе на Алімпіядзе ў Парыжы, была дыскваліфікаваная праз перавышэнне дазволенай вагі на 100 грамаў.

Вінэш Пхагат. Фота: AP Photo/Anvar Ilyasov 

7 жніўня індыйка павінна была пазмагацца за залаты медаль у вагавай катэгорыі да 50 кг з амерыканкай Сарай Хільдэбрант.

Вінеш упэўнена прайшла ўзважванне перад папярэднімі раўндамі. Аднак за дзень да фіналу яе вага перавысіла норму на два кілаграмы.

Паводле паведамленняў СМІ, 29-гадовая Пхагат не спала ўсю ноч, займаючыся такімі актыўнымі відамі спорту, як бег трушком, скачкі са скакалкамі і язда на ровары, у адчайнай спробе адпавядаць вагавым крытэрыям. Але, нягледзячы на гэта, раніцай 7 жніўня ў яе ўсё адно была празмерная вага ў 100 грамаў.

Пхагат ужо сутыкалася з падобнымі праблемамі ў мінулым, калі трапіла ў вагавую катэгорыю 50 кг, што ніжэй за яе звычайную вагавую катэгорыі 53 кг. Нават падчас алімпійскіх адборачных спаборніцтваў ёй пастаянна даводзілася змагацца з лішняй вагой.

Гэтым разам пасля ўзважвання спартсменку адправілі ў бальніцу Алімпійскай вёскі, дзе яна страціла прытомнасць ад абязводжвання. Самае для яе трагічнае тое, што згодна з правіламі з-за дыскваліфікацыі яна цяпер не атрымае нават срэбранага медаля, які быў ёй нібыта гарантаваны.

Тым не менш Пхагат стала першай жанчынай-барчыхай з Індыі, якая дайшла да фіналу Алімпійскіх гульняў. Прэм'ер-міністр Індыі Нарэндра Модзі ў знак падтрымкі спартсменкі назваў у сацыяльнай сетцы X Пхагат «чэмпіёнкай сярод чэмпіёнаў», гонарам Індыі і крыніцай натхнення для кожнага індыйца.

Каментары2

  • Андрусь
    07.08.2024
    Хлопцам у такіх варунках прасцей - зняў майткі, і няма тых 100 грамаў.
  • Acab
    07.08.2024
    Чароўныя Фімэністкі, як файна палітыку карыстацца самавыснажэньнем з рызыкай сьмерці кабеты? Надаль лічыце штучныя бюджэтныя кабечыя спорты дасягненьнем эмансыпацыі?

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць