Гурцыеў больш не мае шанцаў пазмагацца за бронзу ў тхэквандо на Алімпіядзе
Прадстаўнік Беларусі прайграў сёння ў 1/8 фіналу Сір'ену Равэ, але захоўваў шанцы, каб гэты француз дабраўся да фіналу.
Але Сір'ен саступіў карэйцу Тэджуну Паку — 1:2.
Таму Георгій Гурцыеў не трапіў у суцяшальныя паядынкі і пакідае Алімпіяду, паведамляе тэлеграм-канал НАК Беларусі.
З адзінаборстваў у Парыжы застаўся ўдзел у вольнай барацьбе Магамедхабіба Кадзімагамедава, які выступае ў суботу.
У цяжкай атлетыцы ў пятніцу і нядзелю выступяць Сюзана Валадзько і Яўген Ціханцоў.
У чацвер паспрабуе прабіцца ў наступны этап канаістка (дыстанцыя 200 метраў) Юлія Трушкіна.
Байдарачнік Уладзіслаў Кравец (1000 метраў) сёння выйшаў у свой паўфінал.
У беларусаў на Алімпіядзе — тры медалі: золата і срэбра батутыстаў Івана Літвіновіча і Віялеты Бардзілоўскай, срэбра ў весляра Яўгена Залатога.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску12
Каментары