Паплечніца Навальнага раскрытыкавала ўнучку Ельцына за татуіроўку і справакавала бурную дыскусію
Што за татуіроўка і ці мае рацыю Марыя Пеўчых?
Гісторыя пачалася з таго, што ўнучка першага прэзідэнта Расіі Барыса Ельцына Марыя Юмашава выклала ў інстаграм сваё фота з новай татуіроўкай. На ім — абрысы вострава Сен-Бартэльмі ў Карыбскім моры, які лічыцца «востравам мільянераў».
Здымак Юмашавай не застаўся без увагі. Паплечніца Навальнага, журналістка-расследвальніца Марыя Пеўчых размясціла гэтае фота ў сябе на старонцы ў твітары з заўвагай аб тым, што лепш бы ўнучка Ельцына зрабіла тату «проста на лбе, каб усім было відаць, на што яе мама і тата абмянялі будучыню Расіі».
Внучка Ельцина, Маша Юмашева, вытатуировала у себя на рёбрах карибский остров миллионеров Сен-Бартелеми. Лучше бы прямо на лбу, чтобы сразу всем было видно, на что её мама и папа (Таня и Валя) обменяли будущее России. pic.twitter.com/L1S4b8ucsi
Запіс набраў амаль 860 тысяч праглядаў і амаль 600 каментарыяў. У сваёй большасці людзі не зразумелі крытыкі і нагадалі, што дзеці, а тым больш унукі, не адказваюць за ўчынкі бацькоў, а татуіроўкі — асабістая справа кожнага. Некаторыя задаюцца пытаннем, як крытыка дапаможа змене становішча ў Расіі.
Многія каментатары, асабліва не падбіраючы слоў, накінуліся на саму Пеўчых.
Таксама каментатары нагадалі Пеўчых, што Марыя Юмашава адной з першых выступіла супраць вайны і ў сябе ў сацсетках дэманстратыўна посціла ўкраінскі сцяг.
Каментары
За карупцыю і здраду будучыні дзяржавы павінны адказваць усім кублом!