Былы вядучы «Зоны Х» палітвязень Дзмітрый Лукша выйшаў на свабоду па памілаванні
Ён, як і яго жонка Паліна Палавінка, былі ў групе вызваленых 3 ліпеня.
У спісе 18 палітвязняў, вызваленых 3 ліпеня па ўказе Аляксандра Лукашэнкі, быў і 35-гадовы экс-работнік Белтэлерадыёкампаніі Дзмітрый Лукша. Пра гэта «Нашай Ніве» расказалі яго сябры.
Лукша доўгі час быў вядучым крымінальных навінаў «Зона Х». Пасля звальнення ў 2016 годзе супрацоўнічаў з тэлеканалам RTVI, а пасля быў карэспандэнтам казахстанскага тэлеканала «Хабар 24» у Беларусі.
Чытайце таксама: «Усё было падрыхтавана, але не паспеў выехаць з Беларусі». Расказваем пра экс-вядучага БТ Лукшу і яго затрыманне КДБ
Яго арыштавалі 11 сакавіка 2022 года і прысудзілі 4 гады зняволення за ўдзел у пратэстах, а таксама за здымку сюжэтаў для казахстанскага канала — змест ролікаў палічылі дыскрэдытацыяй Беларусі.
Лукша адбываў пакаранне ў шклоўскай калоніі, да канца тэрміну Дзмітрыю заставалася 1 год і 2 месяцы.
Раней праваабаронцы паведамлялі, што 3 ліпеня 2024 года выйшла на свабоду яго жонка Паліна Палавінка. Яе арыштавалі на некалькі месяцаў пазней за мужа і прысудзілі 2 гады і 6 месяцаў зняволення. Паліна вызвалілася па памілаванні на два тыдні раней за свой тэрмін.
Нагадаем, 3 ліпеня па памілаванні выйшлі на свабоду мінімум 18 палітвязняў. Сярод іх Рыгор Кастусёў, Дар'я Лосік, Паліна Палавінка.
16 жніўня Аляксандр Лукашэнка падпісаў указ аб вызваленні яшчэ 30 палітзняволеных. Праваабаронцам вядомыя імёны большасці з іх — Ксенія Луцкіна, Васіль Бераснеў і іншыя.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»44
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары