Незвычайнае здарэнне з іншамаркай адбылося 1 верасня ў Бабруйску на вуліцы Сацыялістычнай.
Спачатку пад левым пярэднім колам Renault правалілася зямля і машына літаральна павісла над падземнай прорвай. Іншамарку спрабаваў адбуксіраваць іншы аўтамабіль, але пры буксіроўцы мінівен амаль цалкам сышоў пад зямлю, піша «Вячэрні Бабруйск».
Месца здарэння ачапілі.
Што стала прычынай, пакуль невядома. Звычайна грунт правальваецца пры разгерметызацыі падземных камунікацый. Падобныя выпадкі ў Бабруйску ўжо былі — на вуліцах Леніна і Гогаля.
Пазней машыну выцягнулі з ямы з дапамогай крана.
Каментары
Рагнарок, ня іначай.