У Беларусі паведамілі пра затрыманне агента японскіх спецслужбаў
На тэлеканале «Беларусь 1» анансавалі фільм пра тое, што ў Беларусі злавілі агента спецслужбаў Японіі, падрабязнасці паабяцалі заўтра.
Падкрэсліваецца, што дзейнасць японскіх спецслужбаў спыненая «ўпершыню ў гісторыі Беларусі», а злоўлены агент «меў самыя шырокія інтарэсы, пачынаючы ад збору інфармацыі пра сацыяльна-палітычнае становішча ў Беларусі, рэалізацыю кітайскай ініцыятывы «Адзін пояс — адзін шлях» і заканчваючы тым, што адбываецца на беларуска-ўкраінскай мяжы, здымкай вайсковай інфраструктуры».
У кароткім відэаанонсе японец называе свае імя і прозвішча Наканісі Масатосі. Раней чалавек з такімі персанальнымі звесткамі выкладаў у Гомельскім дзяржаўным універсітэце імя Францыска Скарыны японскую мову.
У адным з матэрыялаў на сайце Гомельскага ўніверсітэта за 2021 год чалавек з такім іменем і прозвішчам фігуруе як дырэктар ТАА «БелНіхонінтэрнэшнл», зарэгістраванага ў снежні 2019 года. У 2020 годзе ён у такой якасці гаварыў, у прыватнасці, пра «перспектывы гандлёва-эканамічнага супрацоўніцтва паміж Японіяй і Магілёўскім раёнам». Ёсць таксама звесткі пра ягоную падобную дзейнасць у іншых беларускіх рэгіёнах. «БелНіхонінтэрнэшнл» было ліквідавана ў красавіку 2022.
Жонка Масатосі, як ён паведамляў у інтэрв'ю для ГДУ, родам з Гомеля.
Цяпер чытаюць
Бабарыка тры хвіліны адказваў на пытанне, чый Крым. Так і не адказаў77
Каментары
Беларусаў усіх перадушылі (тым самым завалілі эканоміку - няма каму працаваць). Цяпер губазікі з прапагандыстамі вырашылі падкласці свінню міністэрству турызма. Каб распугаць апошніх турыстаў. Якія і так маюць складанасці з чытаннем кірыліцы на вывесках (то бок увогуле нічога не могуць прачытаць). А тут яшчэ і турма свеціць.