U Biełarusi paviedamili pra zatrymańnie ahienta japonskich śpiecsłužbaŭ
Na telekanale «Biełaruś 1» anansavali film pra toje, što ŭ Biełarusi złavili ahienta śpiecsłužbaŭ Japonii, padrabiaznaści paabiacali zaŭtra.
Padkreślivajecca, što dziejnaść japonskich śpiecsłužbaŭ spynienaja «ŭpieršyniu ŭ historyi Biełarusi», a złoŭleny ahient «mieŭ samyja šyrokija intaresy, pačynajučy ad zboru infarmacyi pra sacyjalna-palityčnaje stanovišča ŭ Biełarusi, realizacyju kitajskaj inicyjatyvy «Adzin pojas — adzin šlach» i zakančvajučy tym, što adbyvajecca na biełaruska-ŭkrainskaj miažy, zdymkaj vajskovaj infrastruktury».
U karotkim videaanonsie japoniec nazyvaje svaje imia i proźvišča Nakanisi Masatosi. Raniej čałaviek z takimi piersanalnymi źviestkami vykładaŭ u Homielskim dziaržaŭnym univiersitecie imia Francyska Skaryny japonskuju movu.
U adnym z materyjałaŭ na sajcie Homielskaha ŭniviersiteta za 2021 hod čałaviek z takim imieniem i proźviščam fihuruje jak dyrektar TAA «BiełNichoninternešnł», zarehistravanaha ŭ śniežni 2019 hoda. U 2020 hodzie jon u takoj jakaści havaryŭ, u pryvatnaści, pra «pierśpiektyvy handlova-ekanamičnaha supracoŭnictva pamiž Japonijaj i Mahiloŭskim rajonam». Jość taksama źviestki pra jahonuju padobnuju dziejnaść u inšych biełaruskich rehijonach. «BiełNichoninternešnł» było likvidavana ŭ krasaviku 2022.
Žonka Masatosi, jak jon paviedamlaŭ u intervju dla HDU, rodam z Homiela.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim10
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3232
Kamientary
Biełarusaŭ usich pieradušyli (tym samym zavalili ekanomiku - niama kamu pracavać). Ciapier hubaziki z prapahandystami vyrašyli padkłaści śvińniu ministerstvu turyzma. Kab raspuhać apošnich turystaŭ. Jakija i tak majuć składanaści z čytańniem kirylicy na vyvieskach (to bok uvohule ničoha nie mohuć pračytać). A tut jašče i turma śviecić.