Пуцін заявіў, што падтрымлівае Харыс на выбарах у ЗША, бо яна заразліва смяецца
Кіраўнік Расіі сказаў, што яго фаварытам на выбарах у ЗША быў Джо Байдэн, але паколькі ён зняўся з гонкі і рэкамендаваў кандыдатуру Камалы Харыс, то РФ таксама яе падтрымае. Пра гэта Пуцін заявіў на Усходнім эканамічным форуме, піша «Медуза».
«Што тычыцца фаварытаў, то не нам гэта вызначаць. Гэта выбар амерыканскага народа. Нашым фаварытам, калі можна так сказаць, быў спадар Байдэн. Яго знялі з гонкі, але ён рэкамендаваў падтрымаць міс Харыс. І мы так зробім, будзем яе падтрымліваць».
Пуцін заявіў, што Дональд Трамп, калі быў прэзідэнтам ЗША, «увёў столькі санкцый у дачыненні да Расіі, колькі ніводны прэзідэнт раней не ўводзіў».
«Яна (Харыс) так заразліва смяецца, гэта кажа пра тое, што ў яе ўсё добра. А калі ў спадарыні Харыс усё добра, можа, яна ўстрымаецца ад такіх дзеянняў (увядзенне санкцый)» — заявіў Пуцін.
ЗША неаднаразова заяўлялі пра ўмяшанне Расіі ў выбары ў Амерыцы. Выбары прэзідэнта ЗША пройдуць 5 лістапада.
Цяпер чытаюць
Толькі жмінда і лянівы не падтрымлівае «Нівы»! Вы можаце за хвіліну падтрымаць «НН» падаходным, не патраціўшы ні капейкі сваіх4
Каментары
Падтрымка твая прасякае з процілеглае паўкулі трансатлянтычным струмам, гарачэйшым за Гальфстрым, бурлівейшым ад Ніягары, Зямлю і выкладае пяшчотным ядвабным кабярцом пад мае шляхетныя пятачкі прыступкі на Капіталійскі пагорб да трону з полымя і лёду
Крывавага Карузьліка .
Піцерскі Красналюдак, злапаны і прышпілены да трыбуны Крамлёўскага Палацу Сходаў прасякальным пракуроршыным рогатам, мусіць прызнаць, што Дэмпартыя ня вораг, але сябар РСФСР.
[На тле ў цілівізары грае эстрадны шлягер вакальна інструмэнтальнага гурта блішчастагаловае спявачкі Skin "Skunk Anansie" Sad, sad, sad]