Афіцыйны Мінск заявіў пратэст паслу Японіі ў сувязі з дзейнасцю нібыта шпіёна гэтай краіны.
У МЗС быў выкліканы пасол Японіі, якому быў заяўлены пратэст у сувязі з дзейнасцю нібыта шпіёна гэтай краіны, заявіў прэс-сакратар МЗС Анатоль Глаз, піша БелТА.
«У МЗС Беларусі 6 верасня быў выкліканы пасол Японіі Хіраюкі Ямамота. Кіраўніку японскай дыпмісіі быў заяўлены пратэст у сувязі з правядзеннем нядаўна затрыманым грамадзянінам Японіі на тэрыторыі нашай краіны шпіёнскай дзейнасці, якая нанесла шкоду бяспецы Рэспублікі Беларусь», — сказаў Анатоль Глаз
Ён таксама пракаментаваў заяўленыя японскім бокам патрабаванні схаваць злачынства ад грамадскасці і не дэманстраваць у СМІ — яны пакінутыя без разгляду ў сувязі з неправамоцнасцю.
«У дадзеным кантэксце тым больш выглядае недарэчным пратэст з нагоды дэманстрацыі фільма, які раскрывае грамадству злачынны характар дзеянняў японскага грамадзяніна», — сказаў Анатоль Глаз. Паводле яго слоў, усе следчыя працэдуры былі праведзены ў поўнай адпаведнасці з беларускім заканадаўствам і ўсімі міжнародна-прававымі нормамі. Да затрыманага быў забяспечаны консульскі доступ, камфортныя ўмовы яго ўтрымання вядомыя японскаму боку, ён забяспечаны абаронай, добраахвотна супрацоўнічае са следствам і ідзе на кантакт са СМІ.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу15
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ2828
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ28
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4848
Каментары