Пра гібель двух ахоўнікаў кампаніі Wildberries падчас спробы ўзброенага захопу офіса паведаміў расійскі Следчы камітэт. Акрамя таго, 7 чалавек параненыя, уключаючы двух супрацоўнікаў паліцыі.
Следчы камітэт завёў крымінальную справу па артыкулах: «Забойства», «Замах на забойства», «Незаконнае захоўванне агнястрэльнай зброі», «Самаўпраўства» і «Замах на жыццё супрацоўніка праваахоўных органаў».
Страляніна ў офісе Wildberries адбылася днём 18 верасня. У кампаніі заявілі, што на офіс напалі людзі з атачэння Уладзіслава Бакальчука — мужа ўладальніцы кампаніі Таццяны Бакальчук. У канфлікце, як высветліла «Агенцтва», удзельнічаў былы баец чачэнскага клуба «Ахмат» Умар Чычаеў, які мае агульныя фатаграфіі з Рамзанам Кадыравым.
Загінулыя ахоўнікі Wildberries — таксама з Каўказа, іх звалі Іслам Эльмурзіеў і Адам Алмазаў. Пасля высветлілася, што яны ўраджэнцы Інгушэціі.
Паліцыя пасля інцыдэнту затрымала агулам каля 30 ўдзельнікаў канфлікту, паведамляюць інфармацыйныя агенцтвы. Сярод іх таксама і Уладзіслаў Бакальчук.
Сам Уладзіслаў Бакальчук сцвярджае, што нібыта прыехаў у офіс для перамоў, але «быў атакаваны службай аховы і невядомымі людзьмі, якія справакавалі ўзброены канфлікт». Таццяна Бакальчук у сваю чаргу назвала дзеянні атачэння мужа няўдалай спробай рэйдарскага захопу кампаніі.
Толькі жмінда і лянівы не падтрымлівае «Нівы»! Вы можаце за хвіліну падтрымаць «НН» падаходным, не патраціўшы ні капейкі сваіх5
Каментары
😏