Старшыня ЦВК назваў тры прычыны, чаму не хоча ставіць відэакамеры на ўчастках
Старшыня ЦВК Ігар Карпенка патлумачыў, чаму не хоча трансляваць у інтэрнэт карцінку з выбарчых участкаў — як гэта робіцца нават у Расіі. Сапраўдная прычына простая — тады б кожны мог упэўніцца, што яўка на ўчастках не такая, якую малююць фальсіфікатары. Але Карпенка прывёў тры іншыя аргументы.
Першая прычына — філасофская. «Трансляцыя з участку ўсяго выбарчага працэсу на працягу гэтых 12 гадзін, пакуль ідзе галасаванне, нічога не вырашае», — пераконвае Карпенка.
Другая заўвага датычыць магчымых скаргаў: «Мы ведаем прыклады, калі людзі пасля выбараў пачынаюць звяртацца: «Вось я там на камеры бачыў…». І потым пачынаюць кіламетры гэтых відэазапісаў разглядаць і ў выніку нічога не знаходзяць. Або фэйкавае відэа ўкідваюць, у цяперашніх умовах гэта таксама дапушчальна».
Трэцяя прычына тычыцца боязі ўмоўных кіберпартызанаў: «Сёння хакеры спрабуюць узломваць сістэмы і ўлазяць у сістэму відэаназірання. І гэта таксама пытанні».
«Таму я не думаю што [наяўнасць камер на ўчастках] нейкім чынам уплывае на празрыстасць выбарчага працэсу», — падсумаваў Ігар Карпенка.
Цяпер чытаюць
Дачка суддзі, якая жыўцом згарэла ў судзе ў Слуцку ў 1967-м, расказала, як склалася жыццё іх сям’і пасля гучнай трагедыі5
Каментары
Тады вядзіце падлік бюлетэняў пад камеры. Каб кожны бачыў КОЖНЫ падлічаны ліст і за каго . Кожны пабачыць і спазнае свой . Бо заўсёды магчымаі дадаць прыкметная рысы свайму . Напрыклад ужівіць асабістую будзь якую адметку ў полі дзеля галасавання. Закон гэта дазваляе . Ці скласці неяк арігінальна свой ліст . Ці намаляваць нештачка на свабодным месцы. Так робяць ў скандынаўскіх краінах .
Вы жа заўседы робіця падлік за паўгадзіны ))) Тады ужо ніхто ня дадчэпіцца .)))