Staršynia CVK nazvaŭ try pryčyny, čamu nie choča stavić videakamiery na ŭčastkach
Staršynia CVK Ihar Karpienka patłumačyŭ, čamu nie choča tranślavać u internet karcinku z vybarčych učastkaŭ — jak heta robicca navat u Rasii. Sapraŭdnaja pryčyna prostaja — tady b kožny moh upeŭnicca, što jaŭka na ŭčastkach nie takaja, jakuju malujuć falsifikatary. Ale Karpienka pryvioŭ try inšyja arhumienty.
Pieršaja pryčyna — fiłasofskaja. «Tranślacyja z učastku ŭsiaho vybarčaha pracesu na praciahu hetych 12 hadzin, pakul idzie hałasavańnie, ničoha nie vyrašaje», — pierakonvaje Karpienka.
Druhaja zaŭvaha datyčyć mahčymych skarhaŭ: «My viedajem prykłady, kali ludzi paśla vybaraŭ pačynajuć źviartacca: «Voś ja tam na kamiery bačyŭ…». I potym pačynajuć kiłamietry hetych videazapisaŭ razhladać i ŭ vyniku ničoha nie znachodziać. Abo fejkavaje videa ŭkidvajuć, u ciapierašnich umovach heta taksama dapuščalna».
Treciaja pryčyna tyčycca bojazi ŭmoŭnych kibierpartyzanaŭ: «Siońnia chakiery sprabujuć uzłomvać sistemy i ŭłaziać u sistemu videanazirańnia. I heta taksama pytańni».
«Tamu ja nie dumaju što [najaŭnaść kamier na ŭčastkach] niejkim čynam upłyvaje na prazrystaść vybarčaha pracesu», — padsumavaŭ Ihar Karpienka.
Ciapier čytajuć
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii32
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?3636
Kamientary
Tady viadzicie padlik biuleteniaŭ pad kamiery. Kab kožny bačyŭ KOŽNY padličany list i za kaho . Kožny pabačyć i spaznaje svoj . Bo zaŭsiody mahčymai dadać prykmietnaja rysy svajmu . Naprykład uživić asabistuju budź jakuju admietku ŭ poli dziela hałasavańnia. Zakon heta dazvalaje . Ci skłaści niejak arihinalna svoj list . Ci namalavać nieštačka na svabodnym miescy. Tak robiać ŭ skandynaŭskich krainach .
Vy ža zaŭsiedy robicia padlik za paŭhadziny ))) Tady užo nichto nia dadčepicca .)))