«За кожнай прыгожай карцінкай стаіць вялікая праца». Беларуска расказала, як знялася ў модным часопісе Vogue
У кастрычніцкі нумар польскай версіі славутага моднага часопіса Vogue запрасілі спявачак беларускага хору SPIEVY. Нумар з вялікім разваротам пра калектыў выйшаў 25 верасня, а адна з удзельніц, фатографка Аліна Мазавец, падзялілася, як праходзілі здымкі.
Хоць здымкі рабіліся для кастрычніцкага нумара Vogue, праводзілі іх у пачатку верасня, калі была вялікая спёка. І з-за гэтага дзяўчатам давялося адпакутаваць, бо насілі адзенне не пад надвор'е: у 30-градусную спякоту ў футрах, швэдрах і скураных вырабах
«Наколькі прыгожымі былі мае боты, настолькі і нязручнымі», — кажа фатографка Аліна Мазавец, якая расказвае пра працэс у інстаграме.
Прытым здымалася гэта ўсё на пляжы, па пяску якога трэба было хадзіць на абцасах. Да таго ж ад спёкі расплываўся макіяж.
Каманда, якая праводзіла здымкі, была прыязная і добразычлівая, але адначасова і патрабавальная. Здымалі ўвесь дзень, і калі спачатку было весела, то пасля вельмі фізічна цяжка. У выніку дзяўчына нават зарабіла сабе сінякі пад каленямі.
«За кожнай прыгожай карцінкай стаіць вялікая праца», — робіць яна заключную выснову.
SPIEVY (ці яшчэ адзін варыянт назвы — SPIEVY Z-PAD MOSTA) — гэта жаночы хор, які складаецца з эмігрантак з Беларусі. У рэпертуары ў хору традыцыйныя беларускія песні і спевы.
Хор быў створаны групай сябровак, якія пачалі сустракацца пад Свентакшыскім мостам у Варшаве вясной 2023 года. Ініцыятаркамі сталі мастачка Караліна Палякова і спявачка Руся, вакалістка гурта Shuma.
На рахунку хору ўжо больш за 20 публічных выступленняў і некалькі рэканструкцый старажытных беларускіх абрадаў.
Нумар Vogue з вялікім разваротам пра калектыў выйшаў 25 верасня.
Беларуска прывезла на тыдзень моды ў Парыжы льняныя вясельныя сукенкі ФОТЫ
Ад паказаў Victoria’s Secret і вокладак Vogue да здымак у Сафіі Копалы. Беларускія мадэлі, якія скарылі сусветныя подыумы
Бяры прыклад! Дзесяць стылёвых беларусаў, вобразамі якіх можна натхняцца
Меліціна Станюта распавяла, як спрабавала ўладкавацца ў мадэльныя агенцтвы Францыі
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6262
Каментары