Лукашэнка бярэ сёння ўдзел у абласных «Дажынках» у Мікашэвічах.
Падчас выступу ён назваў санкцыі «фашысцкімі».
«Ва ўмовах незаконных, фашысцкіх, беспрэцэдэнтных санкцый, якія ў апошнія гады ўводзяцца супраць нашай дзяржавы, менавіта экспарт сельгаспрадукцыі даў астатнім галінам магчымасць адаптавацца да новай сітуацыі і пераарыентавацца на іншыя рынкі збыту», — сказаў ён.
Ён таксама заявіў, што менавіта селянін выратаваў краіну ў складаныя 1990-я.
«Час быў вельмі складаны. Абвал эканомікі, пра сяло казаць няма чаго наогул — поўнае збядненне, спад вытворчасці, і перш за ўсё сельгаспрадукцыі. Самае страшнае ў той час было ліхалецце. Мы не ведалі, што рабіць, куды ісці, якім шляхам. Словам, разброд і хістанне. Хто старэйшы павінен памятаць, што мы тады літаральна стаялі на краі прорвы, а хтосьці ўжо быў там. І ў нас было два варыянты. Ці змагацца за права свабодна і годна жыць на сваёй зямлі, захаваўшы яе. Ці ўсім апынуцца ў прорве і загінуць. Было вельмі цяжка», — сказаў Лукашэнка.
Цяпер чытаюць
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»34
Каментары