Беларускі нападнік хакейнага клуба «Вашынгтон Кэпіталз» Ілля Протас стаў адным з галоўных прэтэндэнтаў на «Колдэр Трофі» — узнагароду, якую ўручаюць найлепшаму навічку Нацыянальнай хакейнай лігі, паведамляе рэсурс Daily Faceoff.
Мінулагодні сезон Ілля Протас пачынаў у юніёрскай Хакейнай лізе Антарыа (OHL). У сезоне 2024/2025 ён паказаў выдатную выніковасць, гуляючы за клуб «Віндзар Спітфайрз»: закінуў 50 шайбаў і набраў 124 ачкі.
Пасля пераходу ў клуб «Хершы Бэрз» беларус таксама выступаў вельмі паспяхова. У 69 матчах ён забіў 29 галоў і набраў 66 ачкоў, стаўшы самым выніковым навічком Амерыканскай хакейнай лігі (АХЛ).
Гэтыя вынікі дапамаглі Протасу атрымаць шанец у НХЛ. У складзе «Вашынгтона» ён правёў чатыры матчы і набраў чатыры ачкі.
Эксперты адзначаюць яго высокі ўзровень гульні ў атацы. Акрамя таго, апошнім часам прыкметна палепшылася яго катанне, што дазваляе канкураваць з больш вопытнымі хакеістамі.
Спецыялісты лічаць, што ў найбліжэйшай будучыні Ілля Протас можа стаць адным з ключавых гульцоў «Вашынгтон Кэпіталз».
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў32
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары