Краш-тэст ад чыноўнікаў — губернатар Магілёўшчыны паскакаў на шуфлі
Старшыня Магілёўскага аблвыканкама Анатоль Ісачанка наведаў Бабруйск 24 кастрычніка. На бабруйскім прадпрыемстве «Легпрамразвіццё» яму паказалі новую прадукцыю, якой губернатар пахваліўся ў тыктоку.
На відэа Ісачанка скача на шуфлі і кідае кантэйнеры — пластык вытрымлівае ўсё.
«Унікальнае шматпрофільнае прадпрыемства ЗАТ «Легпрамразвіццё» вырабляе ў тым ліку прадукцыю з пластыку. У надзейнасці пераканаўся асабіста», — напісаў Ісачанка пад пастом у тыктоку.
Сярод каментатараў традыцыйна знайшліся скептыкі і крытыкі. «У якім стагоддзі мы жывём? Ну добра, дапусцім, атрымалася ў вас зрабіць шуфель, які не ламаецца, але можна зрабіць шуфель з лёгкай і трывалай ручкай, а не тронкам і г. д. Вось хто яе купіць у такім выглядзе?»
«У Кітаі ўжо даўно гэтая хрэнь. Сумняваюся, што гэта яны самі вырабілі, бо ў продажы даўнютка ёсць», — пішуць у каментарах.
-
Сталі вядомыя падрабязнасці вясновай трагедыі ў Полацкім манастыры, калі жанчына загінула пры пажары. Усяму віной п'янства
-
У Гродне п'яны мужчына пайшоў на прыпынак і пужаў хлопчыка пнеўматычным пісталетам
-
Адвакат Аляксандр Данілевіч: Мяне адвялі ў клетку на КПП і зачыталі ўказ для службовага карыстання пра памілаванне па просьбе Міжнароднага алімпійскага камітэта
Каментары