З маслам у Расіі апошнім часам праблемы, колькасць крадзяжоў гэтага прадукту ўзрасла.
Двое мужчын зайшлі ў прадуктовую краму, пахадзілі па радах, пасля чаго адзін з іх пачаў складаць масла сабе ў заплечнік.
Пры гэтым ён рабіў гэта проста пад камерай назірання, паведамляе Baza. Рабаўнікоў заўважылі, і супрацоўніца крамы паспрабавала іх спыніць, аднак адзін з мужчын дастаў нож.
Паліцыя ўжо затрымала дваіх падазраваных ва ўзросце 29 і 25 гадоў. Супраць іх распачата крымінальная справа па артыкуле аб разбойным нападзе, і за 25 пачкаў масла ім пагражае да 10 гадоў пазбаўлення волі.
У апошні час у Расіі назіраюцца праблемы з маслам: пастаўкі спыняюцца, а колькасць крадзяжоў у крамах расце.
Прычынай гэтага стаў скачок цэнаў: за год цэны на масла выраслі больш чым на 20%. Калі ў студзені сярэднія рознічныя цэны трымаліся на ўзроўні 876 расійскіх рублёў за кілаграм (9 даляраў), то ў верасні ўжо дасягнулі 1021 рубля (10,5 даляра).
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове1
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары