Прыпыніла працу найбуйнейшая на Берасцейшчыне школа замежных моў, яе офіс апячаталі
Вучням і іх бацькам паведамілі аб адмене заняткаў, пры гэтым прычыну не паведамілі, піша «Позірк» са спасылкай на крыніцы.
У Брэсце прыпыніла працу найбуйнейшая ў рэгіёне школа замежных моў «АКЦ Мост».
Студэнтам курсаў і іх бацькам аб адмене заняткаў і прыпыненні дзейнасці школы паведамілі ў групавых чатах. Пры гэтым пра прычыны казаць не сталі.
13 лістапада офіс «АКЦ Мост» быў апячатаны. Ні на сайце, ні ў сацыяльных сетках установы няма інфармацыі аб спыненні працы.
«АКЦ Мост» быў зарэгістраваны ў 2006 годзе. На сайце школы адзначаецца, што яна стала «першым у рэгіёне камерцыйным цэнтрам прафесійнага навучання польскай мове».
У школе таксама навучаюць англійскай, псіхалогіі, рыхтуюць да ЦТ і паступлення ва ўніверсітэты.
Навучанне ў школе прайшло больш за 18 тысяч чалавек.
У Мінску раней пасля візіту афіцэраў ДФР прыпыніў працу адзін з найбуйнейшых у краіне цэнтраў вывучэння замежных моў — Streamline. Таксама закрыліся буйныя курсы «Лідар».
Знаёмая з сітуацыяй крыніца «Нашай Нівы» выказвала меркаванне, што такім чынам улады спрабуюць перашкаджаць ад'езду беларусаў за мяжу.
«З ангельскай змагацца асаблівага сэнсу няма. Бо куды чалавек паедзе з адной ангельскай? У ЗША ці Вялікабрытанію? Дык яшчэ паспрабуй атрымай туды візу. А вось Польшча ці Нямеччына — цалкам рэальныя варыянты», — казаў суразмоўца.
Цяпер чытаюць
Што вядома пра затрыманых радыёаматараў, якім пагражае аж да расстрэлу11
Каментары