Назвалі галоўных пастаўшчыкоў калію на кітайскі рынак. Беларусь другая, але бывала і першай
Кітай апублікаваў даныя па імпарце калійных угнаенняў за студзень-кастрычнік 2024 года, піша Myfin.by. Паводле гэтага рэйтынгу ўвогуле Беларусь на другім месцы, але бывалі месяцы, калі выходзіла і на першае.
Паводле даных кітайскага боку, у студзені-кастрычніку гэтага года сукупны аб'ём імпарту КНР па таварнай пазіцыі «Угнаенні мінеральныя або хімічныя, калійныя» склаў каля $3,13 млрд.
Для параўнання: за аналагічны перыяд 2023 года ўвоз калійных угнаенняў абышоўся Кітаю ў $3,97 млрд.
У бягучым годзе найбольшы аб'ём закупак калію (у коштавым выражэнні) Кітайская Народная Рэспубліка зрабіла з Расіі — $1,03 млрд па выніках студзеня—кастрычніка.
Беларусь у спісе дзяржаў, з якіх Кітай імпартуе калійныя ўгнаенні, знаходзіцца на 2-й пазіцыі. Па выніках 10 месяцаў 2024 года КНР завезла беларускага калію на суму $727,1 млн.
На трэцім радку знаходзіцца Канада: імпарт з паўночнаамерыканскай дзяржавы склаў $604,2 млн.
У студзені-кастрычніку 2024 года ў топ-5 пастаўшчыкоў калійных угнаенняў на кітайскі рынак таксама ўвайшлі Лаос ($466,7 млн) і Ізраіль ($160,5 млн).
Больш дэталёвае вывучэнне статыстыкі паказала, што ў асобныя месяцы Рэспубліка Беларусь займала ў спісе пастаўшчыкоў калію ў КНР і першае месца.
Напрыклад, у маі 2024 года імпарт калію ў Кітай з нашай краіны склаў $100,4 млн, з Расіі — $73,4 млн, з Лаоса — $68,6 млн, з Канады — $53,9 млн. У чэрвені Кітай таксама заплаціў больш за ўсё за імпарт беларускіх калійных угнаенняў.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»4
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1212
Каментары