Здарэнні22

«Дзверы ляжалі ўнутры кабінета». У польскім Гданьску двойчы абакралі салон прыгажосці беларускі

Ганна (імя зменена) жыве ў Польшчы ўжо пяць гадоў. У Гданьску ў яе салон прыгажосці, жанчына арандуе кабінет у адным з офісных будынкаў.

У 2024 годзе працоўнае месца беларускі двойчы абакралі. Яна падзялілася з Most сваёй гісторыяй.

Першы выпадак адбыўся на майскія святы. З кабінета Ганны зніклі 2 тысячы злотых (400 еўра).

— Звычайна я не захоўваю грошы на працы, але менавіта ў гэтыя дні так супала, — успамінае беларуска. — У будынку працавалі толькі я і школа танцаў паверхам ніжэй. Ніякага ўзлому не было. Я заўсёды зачыняю дзверы на два замкі, таму дагэтуль не разумею, як гэта адбылося.

Ганна мяркуе, што грошы маглі скрасці, пакуль яна ненадоўга выходзіла з кабінета. Зламыснік павінен быў дакладна ведаць, дзе яны ляжаць.

Пасля здарэння яна звярнулася ў паліцыю, але знайсці злодзея не змаглі.

Другі інцыдэнт здарыўся ў пачатку снежня. На гэты раз дзверы кабінета былі выбітыя, а ўнутры ўсё перавернута.

— У нядзелю я прыйшла на працу, дзверы ляжалі ўнутры кабінета. Зніклі канверты са справаздачамі і [рахункамі]-фактурамі за год, Машынка для перманентнага макіяжу, блок сілкавання і расходныя матэрыялы, у тым ліку пігменты на суму каля 2100 злотых (420 еўра), — распавядае Ганна.

Паліцыя, якая прыбыла на месца, выявіла, што дзверы адчынілі і ў іншых кабінетах. Зрэшты, там нічога не ўзялі, акрамя цукерак. Паводле версіі паліцыі, злодзеі зайшлі і выйшлі праз акно ў агульным калідоры будынка.

— Нядаўна я хадзіла па пацверджанне па справе і выявіла, што ў дакументах пазначаны не ўсе скрадзеныя рэчы. Мне давялося папрасіць дадаць у спіс астатнія згубы, — дзеліцца Ганна.

Шукаць месцы з добрай аховай і страхаваць маёмасць

Каб пазбегнуць падобных сітуацый, Ганна плануе павесіць камеру назірання ў сваім кабінеце і, магчыма, змяніць памяшканне на тое, што ахоўваецца лепш.

— Я раю ўсім шукаць месцы з добрай аховай, усталёўваць сігналізацыю і камеры, а таксама страхаваць маёмасць. Гэта дапаможа ў будучыні атрымаць кампенсацыю, калі крадзеж усё ж такі адбудзецца, — кажа яна.

Каментары2

  • Шалёны сусвет
    16.12.2024
    Што там у вас у Польшчы адбываецца, навiны як хронiкi з 90-х...
  • Расчараваны
    17.12.2024
    Паліцыянты, па маіх ашушчэніях, паўсюль аднолькавыя. Ніхто не хоча працаваць. У Польшчы заяву падаць - цэлая праблема. А потым усё адно (хутчэй за ўсё) нікога не знойдуць.

Цяпер чытаюць

Від на Каложскую царкву безнадзейна сапсаваны36

Від на Каложскую царкву безнадзейна сапсаваны

Усе навіны →
Усе навіны

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям58

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

больш чытаных навін
больш лайканых навін

Від на Каложскую царкву безнадзейна сапсаваны36

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць