Наезд на людзей у Магдэбургу зрабіў мужчына родам з Саудаўскай Аравіі
За рулём аўтамабіля, які ўляцеў у натоўп людзей на калядным кірмашы ў нямецкім Магдэбургу, быў 50-гадовы ўраджэнец Саудаўскай Аравіі, паведамляе выданне Welt. Яго затрымалі на месцы. Перад тэрактам мужчына арандаваў аўтамабіль.
Паводле звестак выдання, у выніку тэракту пацярпелі ад 60 да 80 чалавек. Ёсць загінулыя. У СМІ называецца лічба ў 11 чалавек, але яна пакуль што афіцыйна не пацверджаная.
Улады федэральнай зямлі Саксонія-Анхальт, цэнтрам якой з'яўляецца Магдэбург, зыходзяць з таго, што інцыдэнт насіў наўмысны характар і быў «нападам». Кіраўнік Саксоніі-Анхальт Райнэр Эрых Хазелоф паведаміў, што кіроўца аўтамабіля, які заехаў у людзей, жыў у Германіі з 2006 года.
Паводле афіцыйных звестак ад уладаў Магдэбурга, загінулі як мінімум 2 чалавекі, у тым ліку 1 дзіця. 68 пацярпелі, 15 з іх у цяжкім стане. Стан 37 чалавек ацэньваецца як сярэдняй цяжкасці, 16 — як лёгка параненых.
Пасля тэракта паліцыя ачапіла тэрыторыю вакол аўтамабіля з-за падазрэнняў, што ўсярэдзіне можа быць выбуховае прыстасаванне.
Цяпер чытаюць
26‑гадовы Андрэй паехаў у Расію ў марскі флот. Але трапіў на вайну і загінуў — маці кажа, спакусіўся вялікімі грашыма7
26‑гадовы Андрэй паехаў у Расію ў марскі флот. Але трапіў на вайну і загінуў — маці кажа, спакусіўся вялікімі грашыма
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары