«Камунарка» паабяцала выпусціць «дубайскія» цукеркі па арыгінальным рэцэпце
На мінскай «Камунарцы» расказалі журналістам выдання Telegraf.news, чым збіраюцца парадаваць ласуноў у 2025 годзе.
За багацце разнастайных смакаў на «Камунарцы» адказваюць спецыялісты, якія праводзяць аналіз таго, што ўжо ёсць на паліцах, і таго, што папулярна за мяжой. Супастаўляючы запатрабаванасць розных начынняў, эксперты вырашаюць, што запусціць у серыйную вытворчасць, а што не.
Акрамя таго, на фабрыцы праводзяць апытанні: сваю прапанову можна адправіць на пошту ці праявіць актыўнасць у сацсетках.
«Напрыклад, у тыктоку і інстаграме людзі даўно просяць шакалад з мятай. Магу сказаць, мы працуем над гэтым пытаннем. У 2025 годзе беларусаў чакае навінка — цукеркі «Дубайскія». Рэцэпт будзе арыгінальны, нічога мяняць не станем», — паабяцала галоўны тэхнолаг СААТ «Камунарка» Ірына Мацыгуд.
Праўда, пасля выпуску пакаштаваць іх можна будзе далёка не ўсюды: праз кароткі тэрмін прыдатнасці (усяго 2 тыдні) плануецца, што яны з'явяцца толькі ў фірмовых кавярнях прадпрыемства. Іх усяго 11: восем у Мінску, і яшчэ па адной у Гродне, Бабруйску і Брэсце.
У 2024 годзе сацыяльныя сеткі запоўнілі відэа і публікацыі пра дубайскі шакалад. І хоць ягоны бум ужо нібыта прайшоў, дэсерт перыядычна ўспамінаюць, а таксама спрабуюць паўтарыць рэцэпт.
Дубайскі шакалад — гэта хрумсткая слодыч, якая ўключае ў сябе малочны шакалад, цеста катаіфі, фісташкавую або кунжутную пасту. Арыгінальныя пліткі вырабляюць уручную ў кампаніі з ААЭ Fix Dessert Chocolatier.
Папулярнасць дубайскага шакаладу, верагодна, абумоўлена незвычайнымі інгрэдыентамі, хрумсткім начыннем і даволі высокай цаной. Напрыклад, на сайце вытворцы адразу 6 штук па 200 грам прадаюць за 120 даляраў. Гэта значыць, 1 плітка каштуе 20 даляраў.
Цану на «дубайскія» цукеркі вытворчасці «Камунаркі» журналістам Telegraf.news не раскрылі.
«Як з салёнай карамеллю». Беларус апублікаваў рэцэпт папулярнага дубайскага шакаладу, але з дранікам
180 рублёў за кілаграм, а смак як у елкі: здаецца, знайшліся самыя дарагія цукеркі ў Мінску
«Гэта як другое дзіця». Былая мадэль пераехала ў Іран, а пасля вярнулася ў Беларусь з шакаладным бізнэсам
Беларуска прывезла на адпачынак у Дубай поўны чамадан прадуктаў
Цяпер чытаюць
«Я больш не анархіст». Мікола Дзядок — пра турму, Бога і расчараванне ў ідэалогіях19
Каментары
Только чистый шоколад позволяет получать наслаждение вкусом.