Культура

Прадпрымальнік Павел Падкарытаў набыў у Германіі карціну Станіслава Жукоўскага. У ёй ёсць загадка

Павел Падкарытаў (Бераговіч), які аднаўляў палац у Падароску Ваўкавыскага раёна, набыў у Германіі карціну з выявай рэзідэнцыі, паведамляе Беларуская служба Польскага радыё.

Palac u Padarosku
Карціна Станіслава Жукоўскага, набытая Паўлам Падкарытавым (Бераговічам)

Прадпрымальнік з беларускімі каранямі Павел Падкарытаў (Бераговіч), які нарадзіўся і выгадаваўся ў Расіі, а цяпер жыве ў Эстоніі, яшчэ нядаўна аднаўляў палац у Падароску Ваўкавыскага раёна, пакуль яго не забралі беларускія ўлады. З гэтым палацам звязаная і біяграфія мастака Станіслава Жукоўскага, ён выяўлены на многіх ягоных творах.

Павел Падкарытаў расказаў, як яму ўдалося набыць карціну:

«Станіслаў Жукоўскі неаднойчы гасцяваў у Падароску — захаваліся фатаграфіі, на якіх ён адлюстраваны разам з уласнікам палаца Отанам Бохвіцам. Мастак маляваў і ваколіцы Падароска, і сам маёнтак. Ёсць карціны, на якіх выяўлены палац, яго пакоі, Падароскі парк.

Два тыдні таму каля паўдня я атрымаў паведамленне з аднаго з сайтаў, якія сочаць за продажамі прадметаў мастацтва, што сёння адбываецца аўкцыён, на якім прадаецца карціна Жукоўскага з адлюстраваннем падароскага палаца. Я адразу наведаў сайт аўкцыённага дома ў ФРГ, але інфармацыі пра аўкцыён там не знайшоў.

Пачаў шукаць аўкцыён па нумары: быццам бы ён адбыўся… у сярэдзіне лістапада… Спазніўся я, шкада… Але захацелася даведацца, за колькі быў прададзены твор Жукоўскага. Знайсці вынікаў аўкцыёна таксама не змог. 

Потым заўважыў, што сайт прапануе зарэгістравацца і даслаць асабістую анкету, каб дазволіць удзел у аўкцыёнах. Я дасылаю анкету і пішу ў лісце, што хацеў бы даведацца пра вынікі продажу карціны Жукоўскага.

Праз 5 хвілін мне тэлефануе супрацоўніца аўкцыённага дома і кажа, што аўкцыён па Жукоўскім пачнецца… літаральна праз 10 хвілін! Дык хіба ж аўкцыён не адбыўся? Не, гаворыць жанчына: ён быў перанесены на сёння. Яна ўдакладняе, ці я прыму зараз удзел па тэлефоне. Трэба тады пацвердзіць першапачатковы кошт лота.

Я тым часам успамінаю, што ў аўкцыённым доме Sotheby’s у 2004 годзе эстымэйт (прыблізная ацэнка кошту лота экспертамі аўкцыённага дома) складаў 30-40 тыс. фунтаў стэрлінгаў. Але на тым канцы провада я чую: 1000 еўра. Я адразу пагаджаюся.

Пакуль я чакаю падыходу лота, коратка расказваю супрацоўніцы аўкцыённага дома пра палац, намаляваны на карціне, чаму яна мне цікавая і як я пра яе даведаўся. Калі агучваецца нумар лота з палатном Жукоўскага, аказваецца, што заявак, апрача маёй, няма. І карціна трапляе да мяне па ацэначным кошце! 

Я меў падазрэнні, што гэта мо і не Жукоўскі ўвогуле, а нейкая падробка (ці прынамсі танная копія).

Калі я аглядзеў набытак, то зразумеў, што гэта дакладна не той Жукоўскі, які раней быў прададзены ў аўкцыённым доме Sotheby’s. Прапорцыі палаца не зусім дакладныя. Палац больш удала намаляваны на сотбісаўскім экзэмпляры, чым на маім.

Але, на маю думку, набытая мною карціна — не падробка. Чаму? «Сотбісаўскае» палатно падпісана мастаком па-польску: Żukowski 1936. А мая карціна падпісана па-руску: С. Жуковскій, без даты. Мастак, бадай, не падпісваў свае работы па-руску пасля таго, як з’ехаў з Масквы ў Польшчу ў 1923 годзе. Дык, магчыма, ён напісаў гэты твор да 1914 года? Ці бываў ён у Падароску ў гэты перыяд? Магчыма, нешта падкажа пра гісторыю карціны штамп на абароце палатна: Собрание Е. Р. Ратнера. Ленинград. 

Я знайшоў звесткі пра выстаўку работ мастака Каровіна ў 1961 годзе, на якой экспанавалася карціна са збору «Е. Р. Ратнера». Таксама я даведаўся пра ленінградскага калекцыянера Рафаіла Яфімавіча Ратнера 1930-1940 гадоў. Можа, «Е.Р.» — яго сын? Усё гэта трэба яшчэ высветліць. А карціна Жукоўскага, спадзяюся, некалі будзе экспанавацца ў падароскім палацы».

Каментары

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

У пяць разоў вырасла колькасць скаргаў, якія стаў задавальняць Вярхоўны суд. Лукашэнка спытаў, што адбываецца6

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць