У 2024 годзе ў Беларусі было зарэгістравана больш за 32,6 тысячы шлюбаў ва ўрачыстай абстаноўцы, што на 7 тысяч менш, чым у 2023 годзе. Але пры гэтым усё больш пар аддаюць перавагу правядзенню цырымоній на беларускай мове з выкарыстаннем элементаў традыцыйнага беларускага вяселля, паведаміла Міністэрства юстыцыі.
Мінюст адзначае, што ўсё больш у моду ўваходзіць правядзенне ўрачыстасцяў па індывідуальных сцэнарыях. Гэтыя сцэнарыі ўлічваюць жаданні ўдзельнікаў і надаюць падзеі асаблівы характар.
Сярод цікавых цырымоній вылучаюць «Вішнёвае вяселле» на «Вішнёвым фестывалі» ў Глыбокім, «Жураўлінае вяселле» на свяце «Жураўлі і журавіны» ў Мёрскім краі, а таксама тэматычную цырымонію «VIP-Люкс. Людзі ў чорным», дзе госці і ўдзельнікі мелі адмысловы дрэс-код.
Акрамя таго, органы ЗАГСа правялі больш за 1,7 тысячы юбілейных мерапрыемстваў, уключаючы «залатыя» і «срэбныя» вяселлі.
«Усё, можаце віншаваць»: спявачка і блогерка Лера Яскевіч выйшла замуж ФОТА
«Наш самы салодкі дзень». Марыя Васілевіч апублікавала ФОТЫ з вяселля
Беларус падарыў брытанцы ружы — тая не ведае, як гэта разумець
У Гомельскай вобласці згулялі вяселле 15-гадовая дзяўчына і 16-гадовы юнак
На Гомельшчыне пара развялася, пражыўшы ў шлюбе больш за 50 гадоў
Каментары
дык вось. калі я ў саўгасе (загсе советского района) агучыла адзіную просьбу сваю - каб служба была на беларускай мове
на мяне паглядзелі, як на вар'ятку