Свет44

Былы вядучы Fox News узначаліў Пентагон. Сенат з цяжкасцю зацвердзіў яго кандыдатуру

Сенат Кангрэса ЗША зацвердзіў Піта Хегсэта на пасаду міністра абароны. Яго кандыдатура выклікала сумневы нават у некаторых рэспубліканцаў. Хегсэт не мае ні вялікага кіраўнічага, ні палітычнага досведу.

Піт Хегсэт. Фота: Terry Wyatt/Getty Images

Ён з’яўляецца ўдзельнікам баявых дзеянняў, былым тэлевядучым і адданым прыхільнікам Дональда Трампа, піша Бі-бі-сі.

Пасяджэнне было драматычным. Галасы падзяліліся пароўну: 50 на 50. Сваім канстытуцыйным правам прыйшлося скарыстацца віцэ-прэзідэнту ЗША Джэймсу Дэвіду Вэнсу. Ён прыбыў у Капітолій і дадаў кандыдату Трампа неабходны голас.

Былы вядучы Fox News і ветэран арміі, які служыў у Афганістане і Іраку, 44-гадовы Хегсэт абяцае ўнесці сур'ёзныя змены ў працу Пентагона.

Аднак яго кіраўніцтва будзе знаходзіцца пад пільнай увагай, падкрэслівае Reuters, адзначаючы жорсткае супраціўленне дэмакратаў і нават некаторых рэспубліканцаў гэтай спрэчнай кандыдатуры. У іх ёсць сумневы як наконт ягонай кваліфікацыі, так і ягонага характару.

«У нас раней не было такога міністра абароны, як Хегсет», — заявіў Reuters Джэрэмі Суры, прафесар гісторыі і эксперт па прэзідэнцкай палітыцы Тэхаскага ўніверсітэта ў Осціне.

Пасада кіраўніка Пентагона гістарычна даставалася кандыдатам з вялікім досведам кіравання буйнымі арганізацыямі, якія карыстаюцца шырокай двухпартыйнай падтрымкай. У гэты раз кандыдату спатрэбілася дадатковая перавага ў галасах для зацвярджэння.

Тры сенатары-рэспубліканцы галасавалі супраць Хегсэта, у тым ліку Мітч Мак-конэл. Паводле яго слоў, Хегсет не змог прадэманстраваць, што здольны эфектыўна кіраваць такой вялікай і складанай арганізацыяй, як Пентагон.

«Простага жадання быць «агентам перамен» недастаткова, каб заняць гэтую пасаду», — сказаў Мак-конэл.

Бюджэт Пентагона складае 1 трыльён даляраў. Хегсэт паведаміў заканадаўцам, што самая вялікая група, якой ён кіраваў, налічвала 100 чалавек, а самы вялікі бюджэт склаў 16 мільёнаў долараў.

Акрамя таго, што Хегсэт безвынікова балатаваўся на пасаду сенатара ад Рэспубліканскай партыі ў Мінесоце, у яго абмежаваны палітычны досвед.

Яго вылучэнне таксама было азмрочана серыяй абвінавачанняў, у тым ліку з боку былой нявесткі, якая сцвярджала, што ён здзекаваўся са сваёй другой жонкі настолькі, што яна хавалася ў шафе і мела кодавыя словы для сяброў, калі патрабавалася дапамога. Хегсэт катэгарычна адмаўляе гэтыя абвінавачанні, і яго жонка таксама адмаўляла любыя факты фізічнага гвалту.

Хегсэт — маёр запасу, які ўдзельнічаў у аперацыях ЗША ў Іраку і Афганістане, а таксама служыў на базе Гуантанама. Пазней ён узначальваў арганізацыю па абароне правоў ветэранаў. Ён ніколі не працаваў у дзяржаўных структурах.

Выступаючы на канале Fox News, Хегсэт часта крытыкаваў саюзнікаў па NATO, заяўляючы, што Кітай стварае армію, «спецыяльна прызначаную для перамогі над ЗША».

Каментары4

  • Ахахаха
    25.01.2025
    Это как Гришу Азаренко сделать министром обороны. Единственное отличие, у нас бы палата его утвердила единогласно и с первого раза.
  • Маўродзі
    25.01.2025
    Выглядае, што трампаўская групоўка проста прызначылі марыянетку, каб распіліць бюджэты і павесіць усю адказнасць на гэтага небараку.
  • Гость
    25.01.2025
    Ключевое слово ‘’утвердил’’, все остальное словоблудие , не имеет значения.

Цяпер чытаюць

За палітыку асудзілі шматдзетнага бацьку-верніка. Яго жонка памерла два гады таму5

За палітыку асудзілі шматдзетнага бацьку-верніка. Яго жонка памерла два гады таму

Усе навіны →
Усе навіны

Ізраільцянам прыходзяць шпіёнскія паведамленні ад карэспандэнткі АНТ10

Усплёскі заказаў піцы каля Пентагона маглі сведчыць пра будучую атаку на Іран9

Дырэктарка дзіцячага цэнтра, дзе размаўляюць выключна на рускай, абвінавачвае чыноўнікаў і дзяржаўных журналістаў у хлусні27

Гісторыя ў ЕГУ — гэта гістфак вашай мары. Еўрапейскі дыплом з навучаннем на беларускай мове пры інтэнсіўным вывучэнні англійскай. І поўная свабода1

У выніку ўдараў Ізраіля па Іране ліквідаваныя дзевяць вядучых фізікаў-ядзершчыкаў4

Рабаванні, згвалтаванні і нават крадзеж адзення з труны: Мінск крымінальны пры Сталіне2

Зяленскі: Лукашэнка баіцца і перанясе вучэнні далей ад мяжы з Украінай16

Ініцыятыва Maldzis вяртае старадрук Сімяона Полацкага11

Марадона падчас свайго візіту ў Беларусь не захацеў сустракацца з Румасам1

больш чытаных навін
больш лайканых навін

За палітыку асудзілі шматдзетнага бацьку-верніка. Яго жонка памерла два гады таму5

За палітыку асудзілі шматдзетнага бацьку-верніка. Яго жонка памерла два гады таму

Галоўнае
Усе навіны →

Заўвага:

 

 

 

 

Закрыць Паведаміць