Кавід, хутчэй за ўсё, мае лабараторнае паходжанне, кажа новы кіраўнік ЦРУ
ЦРУ лічыць, што ўспышка каранавіруса «з вялікай верагоднасцю» адбылася праз уцечку з кітайскай лабараторыі, чым распаўсюдзілася ад жывёл, піша Бі-бі-сі.
Прадстаўнік амерыканскага разведвальнага ведамства заявіў, што «звязаныя з даследаваннямі» прычыны больш верагодныя, чым натуральныя, грунтуючыся на наяўных даных».
Рашэнне апублікаваць новыя высновы ЦРУ з'яўляецца адным з першых публічных крокаў новага кіраўніка дэпартамента Джона Рэткліфа, прызначанага на гэтую пасаду прэзідэнтам Дональдам Трампам у мінулы чацвер. Рэткліф кіраваў нацыянальнай разведкай падчас першага прэзідэнцтва Трампа, і быў паслядоўным прыхільнікам тэорыі аб лабараторным паходжанні кавіда, па якой уцечка віруса адбылася з Інстытута вірусалогіі ў кітайскім Ухані.
Гэты інстытут размешчаны за 40 хвілінаў язды ад Хунаня, дзе на жывёльным рынку была знойдзена першая крыніца распаўсюджвання інфекцыі.
У інтэрв'ю Breitbart News, апублікаваным у пятніцу, Рэткліф заявіў, што жадае, каб ЦРУ спыніла «заставацца ў баку» і даваць нейтральныя ацэнкі па пытанні аб распаўсюдзе каранавіруса.
«Адно з пытанняў, пра якія я шмат казаў, — гэта пагрозы ад Кітая на некалькіх франтах, і, у прыватнасці, чаму мільён амерыканцаў памерлі, а ЦРУ заставалася ў баку на працягу пяці гадоў і нічога не рабіла, каб высветліць прычыны паходжання кавіда», — заявіў новы кіраўнік ЦРУ, дадаўшы, што для гэтага гэта з'яўляецца пытаннем першага дня працы.
Зрэшты, крыніцы амерыканскіх СМІ ў дзяржапараце адзначаюць, што новыя высновы не грунтуюцца на новых дадзеных. Новы даклад быў замоўлены ў апошнія тыдні папярэдняй адміністрацыі Байдэна і быў завершаны да таго, як прэзідэнт Трамп вярнуўся ў Белы дом.
Апублікаваная ў суботу новая справаздача заснавана на «нізкай упэўненасці». Гэта азначае, што сабраныя ў ім разведданыя з'яўляюцца няпоўнымі, неканчатковымі і супярэчлівымі.
Кансенсусу адносна таго прычыны пандэміі кавіду няма.
Ёсць тыя, хто падтрымлівае тэорыю «натуральнага паходжання», згодна з якой вірус распаўсюдзіўся сярод людзей праз жывёл, а не праз эксперыменты навукоўцаў або якія-небудзь лабараторыі.
Тэорыю аб «лабараторнай уцечцы» асабліва актыўна адмаўляюць навукоўцы, якія сцвярджаюць, што грунтоўных доказаў на карысць гэтай тэорыі няма.
Раней Кітай адхіліў магчымасць «лабараторнай уцечкі» як палітычную маніпуляцыю Вашынгтона.
У той жа час раней вельмі контраверсійная тэорыя цяпер знаходзіць больш падтрымкі ў разведвальных ведамстваў.
У 2023 годзе кіраўнік ФБР Крыстафер Рэй заявіў Fox News, што паводле ацэнак яго ведамства «распаўсюджванне пандэміі (каранавіруса) хутчэй за ўсё стала вынікам інцыдэнту ў лабараторыі».
Каментары