ЦВК зацвердзіў вынікі чарговых «выбараў», і, згодна з заканадаўствам, урад павінен скласці паўнамоцтвы перад новым прэзідэнтам.
Згодна з Канстытуцыяй Рэспублікі Беларусь, урад склаў паўнамоцтвы — адпаведную пастанову падпісаў Раман Галоўчанка. Аляксандр Лукашэнка даручыў Раману Галоўчанку, а таксама ўсяму складу ўрада, выконваць свае абавязкі да фарміравання новага ўрада.
Сёння Цэнтральная выбарчая камісія зацвердзіла вынікі прэзідэнцкіх выбараў. Яны цалкам адпавядаюць папярэднім вынікам.
Па версіі ЦВК, за кандыдатаў пададзена наступная колькасць галасоў выбаршчыкаў:
Гайдукевіч Алег Сяргеевіч — 119 272 галасы выбаршчыкаў;
Канапацкая Ганна Анатольеўна — 109 760 галасоў выбаршчыкаў;
Лукашэнка Аляксандр Рыгоравіч — 5 136 293 галасы выбаршчыкаў;
Сыранкоў Сяргей Аляксандравіч — 189 740 галасоў выбаршчыкаў;
Хіжняк Аляксандр Мікалаевіч — 102 789 галасоў выбаршчыкаў.
Супраць усіх кандыдатаў прагаласавалі 213 277 выбаршчыкаў.
Такім чынам, паводле ЦВК, за Аляксандра Лукашэнку прагаласавалі 86,82 працэнта выбарцаў.
Выбары 2025 года праходзілі пры поўнай адсутнасці альтэрнатывы, ва ўмовах няспынных рэпрэсій супраць іншадумства.
Цяпер чытаюць
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары