Прэзідэнт Украіны Уладзімір Зяленскі заявіў у пятніцу, што паўночнакарэйскія войскі зноў з'явіліся на лініі фронту ў Курскай вобласці. Раней украінскія вайскоўцы паведамлялі, што не сутыкаліся з паўночнакарэйскімі падраздзяленнямі на працягу трох тыдняў, бо Расія адвяла іх з-за значных страт, паведамляе «Голас Амерыкі».
«У раёнах Курскай аперацыі адбыліся новыя штурмы. Расійская армія зноў прыцягнула паўночнакарэйскіх салдат», — сказаў Зяленскі ў сваім вячэрнім звароце.
Прэзідэнт Украіны адзначыў, што «значная колькасць» варожых салдат была «знішчана».
«Гаворка ідзе пра сотні расійскіх і паўночнакарэйскіх вайскоўцаў», — дадаў ён.
Паводле даных паўднёвакарэйскай і заходняй разведак, больш за 10 000 паўночнакарэйскіх салдат былі накіраваны ў Расію ў мінулым годзе.
Паўночнакарэйскі кантынгент, афіцыйна не пацверджаны ні Масквой, ні Пхеньянам, павінен быў узмацніць расійскую армію і дапамагчы ёй выбіць украінскія войскі з Курскай вобласці. Аднак, па стане на люты, Украіна ўсё яшчэ ўтрымлівае частку прыгранічнай расійскай тэрыторыі.
У той жа час дзеянні Узброеных сіл Украіны на тэрыторыі Расіі не змаглі стрымаць прасоўванне расійскіх войскаў на ўсходзе Украіны.
-
«Штурмы ў крэдыт». Чым адрозніваецца фронт у справаздачах расійскага Генштаба ад рэальнасці
-
Расія нанесла ракетны ўдар па Дняпры. Загінулі 5 чалавек, каля 30 атрымалі раненні
-
Заснавальніка найбуйнейшага ўкраінскага вытворцы дронаў, кампаніі Fire Point, спыталі пра ўзровень беларускай СПА. Яго адказ здзівіў
Цяпер чытаюць
Гістарычныя +40,4°C у Пінску — гэта толькі разагрэў. Беларусь уваходзіць у новую кліматычную эру і на вачах стане лесастэпам8
Каментары