Віцэ-прэзідэнт ЗША: Ва Украіну могуць увесці амерыканскія войскі, калі Масква будзе зрываць перамовы
Джэй Дзі Вэнс заўважыў таксама, што яшчэ рана казаць, якая частка тэрыторыі Украіны застанецца ў руках Расіі.
Віцэ-прэзідэнт ЗША Джэй Дзі Вэнс у інтэрв'ю The Wall Street Journal сказаў, што варыянт уводу амерыканскіх войскаў ва Украіну, калі Масква не зможа весці перамовы добрасумленна, застаецца «на стале».
«Ёсць эканамічныя інструменты ўплыву, ёсць, вядома, і ваенныя інструменты ўплыву, якія ЗША могуць выкарыстоўваць супраць Пуціна», — адзначыў Вэнс.
Раней амерыканскі міністр абароны Піт Хегсет выказваўся, што ЗША не будуць уводзіць войскі.
Будучыя перамовы Вэнс ахарактарызаваў так: «Я думаю, што з гэтага выйдзе здзелка, якая шакуе многіх людзей».
Адміністрацыя Трампа, запэўнівае Вэнс, будзе спрабаваць пераканаць Пуціна, што Расія дасягне большага за сталом перамоваў, чым на полі бою. Віцэ-прэзідэнт ЗША адзначыў, што Трамп можа змяніць сваё меркаванне ў залежнасці ад таго, як будуць ісці перамовы.
Вэнс заўважыў, што яшчэ рана казаць, якая частка тэрыторыі Украіны застанецца ў руках Расіі і якія гарантыі бяспекі ЗША і заходнія саюзнікі могуць прапанаваць Украіне.
«Існуе мноства фармулёвак, канфігурацый, але нас хвалюе суверэнная незалежнасць Украіны», — сказаў ён у інтэрв'ю.
Цяпер чытаюць
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»2020
Каментары