Стармер патэлефанаваў Зяленскаму і сказаў, што праводзіць выбары падчас вайны неразумна. Пры Чэрчылю — не праводзілі
Прэм'ер-міністр Вялікабрытаніі Кір Стармер вечарам 19 лютага патэлефанаваў прэзідэнту Украіны Уладзіміру Зяленскаму і «падкрэсліў неабходнасць таго, каб усе працавалі разам». Пры гэтым ён падтрымаў яго ў супрацьдзеянні спробам прэзідэнта ЗША Дональда Трампа схіліць украінскае кіраўніцтва да правядзення выбараў ва ўмовах няскончанай вайны.
«Прэм'ер-міністр выказаў сваю падтрымку прэзідэнту Зяленскаму як дэмакратычна абранаму лідару Украіны і сказаў, што цалкам разумна прыпыняць выбары ў ваенны час, так і Злучанае Каралеўства рабіла падчас Другой сусветнай вайны», — гаворыцца ў брытанскім афіцыйным камюніке.
Сапраўды, з 1935 па 1945 гады, пры Чэрчылю, выбары не праводзіліся, хоць ваенныя дзеянні непасрэдна на тэрыторыі вялікабрытанскай метраполіі не ішлі.
У той жа час «прэм'ер-міністр зноў падкрэсліў сваю падтрымку ўзначаленых ЗША намаганняў для дасягнення даўгавечнага міру ва Украіне, які ўтрымаў бы Расію ад любой будучай агрэсіі».
Стармер пазіцыянуе сябе як пасярэднік паміж ЗША і краінамі кантынентальнай Еўропы і ў рамках гэтай місіі адправіцца на наступным тыдні ў ЗША. Таксама, як стала вядома, у гэты самы перыяд ЗША наведае прэзідэнт Францыі. Пра візіт Кіра Стармера і Эмануэля Макрона ў Вашынгтон паведаміў памочнік прэзідэнта ЗША па нацыянальнай бяспецы Майк Уолтц, піша Reuters.
Раней Вялікабрытанія і Францыя выказвалі гатоўнасць удзельнічаць у патэнцыйнай вайсковай місіі ва Украіне. Дональд Трамп падчас прэс-канферэнцыі 18 лютага заявіў, што не мае намеру гэтаму пярэчыць.
Цяпер чытаюць
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай9
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары
Армия рабов ещё не разбежалась и, наверное, не разбежится в обозримом будущем (где-то год) и есть ещё кого бусифицировать на том же горизонте планирования, поэтому "военных причин" нет, мясорубку можно крутить дальше? А потом шо?
Похоже лишь из-за уверенности что военная катастрофа не произойдет прямо сейчас Зеля будет саботировать мирные переговоры. Что внутри Украины будет выглядеть как "зрада, Трамп нас слил, но мы сами незламно выстоим". А снаружи будет выглядеть что именно режим Зеленского кровожадные ястребы желающие продолжать бессмысленную и бесперспективную войну вопреки всем усилиям по мирному урегулированию.