Жанчына хацела працаваць у Нарвегіі, а атрымала за свае грошы толькі намаляваны квіток на самалёт
У аператыўна-дзяжурную службу Баранавіцкага ГАУС звярнулася 54-гадовая мясцовая жыхарка з заявай, што невядомы падманам завалодаў грашовымі сродкамі, якія ёй належаць. Здарылася так таму, што яна павялася на рэкламную аб'яву.
Пачалося ўсё з таго, што ўвагу жанчыны прывабіла рэклама ў інстаграме. Аб'ява ўтрымлівала прапанову аб працаўладкаванні на выгадных умовах у Нарвегіі.
Інфармацыя зацікавіла жанчыну, таму яна перайшла на старонку, дзе ў яе завязаўся дыялог з адміністратарам фірмы. Для афармлення дамовы па аказанні паслуг аб працаўладкаванні, а таксама для аплаты білета жанчыне неабходна было пералічыць прыкладна 1500 рублёў. Што яна і зрабіла.
Пасля пералічэння сродкаў жанчыне даслалі квіток на самалёт, аднак ёй кінуліся ў вочы некаторыя асаблівасці дакумента, якія прымусілі засумнявацца ў яго сапраўднасці. Каб развеяць сумневы, жанчына патэлефанавала ў авіякасы, але там ёй сказалі, што квіток несапраўдны.
Тады яна адразу ж напісала ў тэлеграм адміністратару, які абяцаў працаўладкаванне, але той ёй больш нічога не адказваў, выдаліў увесь дыялог і заблакаваў магчымасць далейшай камунікацыі.
Цяпер па гэтым факце завялі крымінальную справу па ч. 1 арт. 209 Крымінальнага кодэкса «Махлярства».
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы74
Каментары