Прапагандыстаў абурыла слова «беларусы» на майках Mark Formelle
За «мову змагароў» прыгразілі Крымінальным кодэксам.
Беларускі брэнд Mark Formelle трапіў у цэнтр скандалу пасля таго, як паказаў дызайн футболак з папулярным цяпер у сацсетках хэштэгам #беларусыговорят. Кампанія звярнулася да сваіх падпісчыкаў у сацсетках з пытаннем «Выпускаем?», атрымаўшы вялікую падтрымку і звыш 40 тысяч лайкаў.
Але адарваным ад беларускага грамадства прарасійскім актывістам і дзяржаўнай прапагандзе муляла вока тое, як напісаны хэштэг — выбух эмоцый выклікала тое, што па-руску слова «беларусы» напісанае праз «а».
Першы ў атаку кінуўся прапагандыст Рыгор Азаронак. Ён не толькі абвінаваціў кампанію ў «непісьменнасці» і прапанаваў падарыць ёй слоўнік, але і пабачыў у надпісе «схаваную фігу ў кішэні» — намёк на нелаяльнасць да рэжыму.
«Ці то я дурань, ці то лыжы не едуць. Відавочна, што Mark Formelle набіраў дызайнераў паводле прынцыпу непісьменнасці», — напісаў Азаронак.
Больш стрымана адрэагаваў іншы дзяржаўны ідэолаг, Вадзім Гігін, які проста папрасіў запомніць, што ў рускай мове правільна толькі «белОрус» і «белОрусский». Але Азаронак працягнуў сваю лінію, заявіўшы, што «так пішуць змагары і экстрэмісты» і што ў гэтым «няма нічога выпадковага».
Падключылася і прапагандыстка Людміла Гладкая, якая прапанавала ў якасці «падарунка» не слоўнік, а Крымінальны кодэкс.
Сам Mark Formelle пакуль не адрэагаваў на шквал неадэкватных абвінавачанняў.
Памятаеце выпускніка інстытута ФСБ, які раскатваў па Гродне са сцягам Наваросіі? Цяпер ён стаў варшаўскім бізнэсменам29
Каментары
ай путают только людей и проблему пропагандисты раздувают на пустом месте, надо ж показать что не зря им платят