Жанчына адгукнулася ў інтэрнэце на аб’яву пра «выплаты насельніцтву».
З ёй неадкладна звязаўся «кансультант» і патлумачыў, што грошы можна атрымаць шляхам таргоў на біржы. Пацярпелая перавяла спачатку тры тысячы рублёў, пасля чаго ёй паведамілі, што сродкі нібыта заблакаваныя, але хвалявацца не варта, трэба крыху пачакаць, паведамляе тэлеграм-канал «Міліцыя Мінска».
Не жадаючы губляць час, мінчанка знайшла аб’яву пра інвеставанне ў акцыі «Газпрама» і пры падтрымцы «кансультанта» пачала новыя таргі. З кожным наступным узносам яе пераконвалі, што прыбытак павялічваецца і трэба працягваць укладанні.
За некалькі дзён ахвяра адправіла зламыснікам амаль 50 тысяч рублёў.
Пра тое, што яе падманулі, жанчына даведалася толькі тады, калі звярнулася да сваячкі з просьбай заняць крыху грошай, каб вывесці заробленае з біржы.
Следчымі распачата крымінальная справа за махлярства.
У загінулай у Сляпянцы дзяўчыне апазналі Яну Кастранкову2
Каментары