«Што вы набрахалі — тое ўсё забудуць». Светлагорская раёнка вырашыла прарэкламаваць камісію па вяртанні ў вершах
У газеце Светлагорскага райвыканкама з’явіўся амаль што вершаваны зварот да беларусаў, якія былі вымушаныя з'ехаць з краіны, заўважыў «Флагшток».
Верш з паэтычнай назвай «Работа камісіі па вяртанні ўцекачоў будзе працягнута» выйшаў у газеце «Светлагорскія навіны». Яго аўтарам пазначаны Міхась Карась — ён перыядычна публікуецца ў рубрыцы «Вострае пяро».
У вершы, не заўсёды захоўваючы памер і рыфму, аўтар звяртаецца да беларусаў, якія былі вымушаны з’ехаць з-за палітычнага пераследу. Карась спрабуе пераканаць чытачоў, што «дома будзе лепш», а «любой прафесіі, занятку любому ёсць месца тут».
Таксама аўтар сцвярджае, што «закон даруе» і «тэрмін даўнасці ўжо хутка сыдзе», намякаючы на тое, што па сканчэнні пяці гадоў пераслед па некаторых артыкулах, у тым ліку за ўдзел у пратэстах, хіба будзе спынены.
Такое рэкламаванне камісіі па вяртанні з’явілася на фоне яе не самай эфектыўнай працы. Паводле даных Генпракуратуры, за два гады з сотняў тысяч з'ехаўшых беларусаў у яе звярнулася ўсяго 241 чалавек, з іх толькі 20 вярнуліся ў Беларусь. Пры гэтым «індульгенцыя», атрыманая ад камісіі, не заўсёды выратоўвае ад крымінальнага пераследу.
Дарэчы, гэта не першы падобны верш аўтарства Міхася Карася ў светлагорскай раёнцы. Напрыклад, у адной з творчых працаў пад назвай «Пра хлусню ад збеглых» ён высмейваў пераслед беларусаў за лайкі і перапосты:
«Вой-вой, за рэпост пасадзілі».
А што ты, нябога, хацеў.
Лухты табе ў вушы налілі —
І раптам ты асмялеў».
Дзмітрый Лукашэнка хоча паставіць пад кантроль усе мабільныя тэлефоны11
Каментары
Лебедева уже неделю не отстаёт, ходя за ним по пятам, от бедного Данилькевича.