Канада адказала Трампу на мыты ўвядзеннем сваіх. Трамп абяцае свае падвоіць
Канада прыняла выклік амерыканскай адміністрацыі і ўступіла ў абвешчаную ёй гандлёвую вайну. У адказ на новыя тарыфы ЗША Канада ўводзіць 25% пошліны на амерыканскія тавары на суму 155 мільярдаў даляраў.
Канадскі прэм'ер-міністр Джасцін Трудо растлумачыў, што Канада неадкладна ўводзіць мытныя пошліны на тавары ЗША на суму 30 мільярдаў даляраў. На астатнія тавары на суму 125 мільярдаў даляраў гэта будзе зроблена праз 21 дзень.
Трудо таксама дадаў, што Канада падасць пазовы ў Сусветную гандлёвую арганізацыю па новых тарыфах ЗША. А тым часам канадскія тарыфы будуць заставацца ў сіле да таго часу, пакуль мыты Злучаных Штатаў не будуць адмененыя.
Прэзідэнт ЗША Дональд Трамп адрэагаваў на гэтую пастанову канадскага ўрада пагрозамі ў сваёй сацсетцы Truth Social.
У сваёй публікацыі Трамп зноў назваў Джасціна Трудо «губернатарам» Канады і прыгразіў павялічыць удвая 25% мыты, якія ЗША ўвяла на канадскія тавары.
«Калі ласка, растлумачце губернатару Канады Трудо, што калі ён уводзіць мыты супраць ЗША, нашы тарыфы ў адказ неадкладна павялічацца на такую ж суму», — напісаў Трамп.
25%-я мыты Трампа на тавары з Мексікі і Канады, а таксама падваенне раней запланаваных мытаў на кітайскія тавары, да 20%, набылі моц 4 сакавіка.
Уведзеныя тарыфы супраць Мексікі і Канады прэзідэнт ЗША тлумачыць нібыта барацьбой з наркагандлем, а менавіта распаўсюджваннем фентанілу. У сваёй сетцы Truth Social амерыканскі лідар напісаў, што наркотыкі ўсё яшчэ паступаюць у яго краіну з Мексікі і Канады ў вельмі высокіх і непрымальных колькасцях.
«Мы не можам дазволіць гэтаму бедству працягваць наносіць шкоду ЗША, і таму, пакуль яно не спыніцца ці не будзе сур'ёзна абмежавана, прапанаваныя тарыфы ўступяць у сілу», — адзначыў Трамп.
Кітай пасля ўвядзення амерыканскіх мытаў заявіў, што з 10 сакавіка ўвядзе дадатковыя мыты ў памеры 10-15% на некаторыя віды імпарту з ЗША. Прэзідэнтка Мексікі Клаўдыя Шэйнбаум анансавала, што яе краіна таксама адкажа на 25% мыты, уведзеныя Злучанымі Штатамі, і ўвядзе адпаведныя тарыфы на амерыканскія тавары.
Трамп падвоіў мыты на тавары з Кітаю і ўвёў у дзеянне ўказ пра мыты для Канады і Мексікі ў 25%
Трамп хоча спыніць фінансаванне для ўніверсітэтаў ЗША, дзе адбываюцца пратэсты. З чым нязгодныя студэнты?
Паўза ці канец? Што азначае рашэнне ЗША прыпыніць дапамогу Украіне
Трамп здрадзіў Украіне, а ў Амерыцы запахла фашызмам — Le Monde
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1212
Каментары
Гэта трэба сказаць пра самога Трампа.
Еўропа + Кітай супраць Расеі (там нават моцна старацца не трэба) і таго што застанецца ад ЗША