У Оксфардскім універсітэце была выяўленая другая захаваная рукапісная копія 116-га санета Уільяма Шэкспіра. Знаходка была зроблена сярод дакументаў XVII стагоддзя, якія належаць заснавальніку эшмолаўскага музея Эліясу Эшмалу. Пра гэта паведамляецца на афіцыйным сайце навучальнай установы.
Доктар Лія Веранезэ, супрацоўніца факультэта англійскай мовы, наткнулася на запіс, які характэрны тым, што адрозніваецца ад арыгінала пачаткам і канцом, а таксама змяшчае сем дадатковых радкоў. Эксперты мяркуюць, што гэтыя змены маглі быць унесеныя для адаптацыі санета ў песню, пакладзеную на музыку Генры Лоўза.
Цікава, што дадатковыя радкі маглі быць дададзеныя для ўзмацнення палітычнай афарбоўкі твора ў кантэксце грамадзянскай вайны ў Англіі XVII стагоддзя.
Каментары