Міністэрства антыманапольнага рэгулявання і гандлю выявіла парушэнні ў сетцы, якая гандлюе цыгарэтамі.
МАРГ правёў праверкі ў «Табакерках» ва ўсіх абласцях і Мінску. Міністэрства знайшло парушэнні амаль у кожным трэцім аб'екце.
Сярод іх — невыкананне пераліку тавараў, абавязковых для наяўнасці ў гандлёвым аб'екце, неўнясенні звестак у Гандлёвы рэестр Рэспублікі Беларусь, а таксама адкрытая выкладка тытунёвых вырабаў. Акрамя таго, у некаторых «Табакерках» не было аб'яваў, што энергетычныя напоі нельга прадаваць непаўналетнім.
Міністэрства патрабуе ад сеткі ліквідаваць парушэнні.
Нагадаем, «Табакеркі» належаць сям'і прыбліжанага да Віктара Лукашэнкі бізнэсмена Аляксея Алексіна. Не так даўно ён вёў тытунёвую вайну з Паўлам Тапузідзісам, у выніку прайгралі абодва.
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі40
Каментары