Кіраўнік вайсковага ўрада М’янмы Мін Аун Хлайн мог абмяркоўваць у Мінску пастаўкі зброі, піша «Радыё Свабода» са спасылкай на м'янманскую прэсу.
Падчас візіту Мін Аун Хлайн правёў сустрэчы з афіцыйнымі асобамі Беларусі і ўзяў удзел у бізнэс-форуме, які прайшоў у мінскім «Прэзідэнт-гатэлі», паведаміла выданне Mizzima News Media, заснаванае ў 1998 годзе ў Індыі ветэранамі дэмакратычнага паўстання ў М’янме ў 1988 годзе.
«Падчас візіту Мін Аун Хлайн абмеркаваў пытанні эканамічнага і гандлёвага супрацоўніцтва і бяспекі, уключаючы пастаўкі зброі», — адзначаецца ў матэрыяле выдання.
Журналісты нагадалі, што ў справаздачы прадэмакратычнага руху Justice for Myanmar за 2022 год Беларусь была адзначана як адна з краін, што пастаўляе зброю вайсковаму рэжыму М’янмы.
У выданні нагадалі, што Беларусь у 2021 годзе выступіла супраць рэзалюцыі ААН, у якой асуджалі вайсковы пераварот. У верасні 2023 года М’янма акрэдытавала ў Беларусі свайго вайсковага аташэ.
7 сакавіка кіраўнік вайсковага ўрада М’янмы Мін Аун Хлайн, які прыехаў у Мінск адразу пасля перамоў у Маскве з прэзідэнтам Расіі Уладзімірам Пуціным, сустрэўся з Аляксандрам Лукашэнкам.
Мін Аун Хлайн узначаліў вайсковы ўрад М’янмы ў выніку перавароту ў жніўні 2021 года. Да гэтага ён камандаваў Узброенымі сіламі краіны. Міжнародны крымінальны суд выдаў ордэр на ягоны арышт.
Цяпер чытаюць
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі9
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары