У Мінск з афіцыйным візітам прыбудзе прэм'ер-міністр М'янмы, старшыня Дзяржаўнай адміністрацыйнай рады гэтай краіны Мін Аун Хлайн, паведаміла прэс-служба Лукашэнкі.
7 сакавіка Аляксандр Лукашэнка сустрэнецца з м'янманскім госцем у Палацы Незалежнасці. Запланаваны перамовы ў вузкім і пашыраным складах.
«Абмяркуюць развіццё супрацоўніцтва ў гандлёва-эканамічнай і гуманітарнай галінах, вызначаць планы на будучыню. У тым ліку размова пойдзе пра сумесную працу ў прамысловасці, сельскай гаспадарцы, фармацэўтыцы і навуковай сферы», — паведамляе прэс-служба Лукашэнкі.
Па выніках перамоў плануецца падпісаць шэраг двухбаковых дакументаў.
Лукашэнка раней неаднаразова запрашаў прэм'ер-міністра М'янмы ў Беларусь, а ў пачатку студзеня М'янму наведваў кіраўнік беларускага МЗС Максім Рыжанкоў.
Адмыслова Мін Аун Хлайн у Беларусь не выбіраўся. Цяпер ён знаходзіцца з афіцыйным візітам у Расіі, а ў Мінск прыедзе заадно.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары