«300 баксаў — за кватэру даваеннага часу?» Беларуска абурылася цэнамі на арэнду кватэр у Мінску
Каб арандаваць кватэру з добрым рамонтам у Мінску, трэба аддаць каля 400 даляраў, паскардзілася маладая беларуска ў сваім тыктоку.
Дзяўчына два гады жыла на арэнднай кватэры, цана на якую яе задавальняла. Але гаспадары вырашылі прадаць маёмасць, таму беларуска пачала шукаць сабе новае месца.
Цэны, якія яна пабачыла, яе шакіравалі. «300 баксаў — за што? За кватэру даваеннага часу?» — скардзіцца яна.
«Вы агулам пад якімі рэчывамі знаходзіцеся, калі ставіце вось такія грошы за тое, што маеце? Вы б самі такую кватэру за такія грошы здымалі? Я думаю, што не», — кажа беларуска.
Няма вялікай розніцы, здымаць за Мінскам ці ў горадзе, кошт не адрозніваецца, падкрэслівае блогерка. Ролік, які яна апублікавала ў тыктоку, назбіраў ужо мільён праглядаў і больш за 5,5 тысячы каментарыяў.
Згодна з інфармацыяй на сайце kufar.by, аднапакаёвую кватэру ў Мінску можна арандаваць за 800-2000 рублёў у месяц.
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1919
Каментары