Паводле інфармацыі Bild, атрыманай ад заходніх крыніц, частка расійскага сілавога апарату хоча выставіць максімалісцкія патрабаванні.
Сярод іх, як сцвярджаецца, наступныя:
— Узброеныя сілы Украіны павінны быць выведзены з тэрыторый, якія Расія абвясціла сваімі паводле сваёй Канстытуцыі.
— Захопленыя Расіяй тэрыторыі павінны пазней быць прызнаны Захадам расійскімі.
— Пасля заканчэння вайны Украіна павінна быць «дэмілітарызаваная», гэта значыць яе армія павінна быць раззброеная.
— Войскі NATO не павінны размяшчацца на тэрыторыі Украіны.
Згодна з інфармацыяй крыніц Bild, Крэмль разглядае магчымасць адкласці адказ на прапанову ЗША аб спыненні агню, каб вытаргаваць больш выгадныя ўмовы.
Масква не хоча, каб яе ўспрымалі як перашкоду да міру, і рыхтуе складаную перамоўную тактыку, якая дазволіць пазбегнуць такога ўражання і ў той жа час не ісці ні на якія кампрамісы.
Пакуль незразумела, наколькі амерыканскі бок ужо ўлічыў расійскія асцярогі і патрабаванні: ці разлічваюць амерыканскія дыпламаты на хуткую здзелку, пра што пастаянна кажа Белы дом, або ж Вашынгтон гатовы да доўгіх і жорсткіх перамоў…
Газета Washington Post таксама раней паведаміла, што Расія хоча сабатаваць перамовы з ЗША. Гэта вынікае з пэўнага дакумента расійскага аналітычнага цэнтра, звязанага з ФСБ.
Згодна з дакументам, планы прэзідэнта ЗША Дональда Трампа павінны быць адхілены; ідэя еўрапейцаў аб размяшчэнні ва Украіне міратворчых войскаў таксама непрымальная. Замест гэтага Захад павінен прызнаць захопленыя тэрыторыі расійскімі, а ўкраінскія тэрыторыі побач з расійскай мяжой павінны стаць буфернай зонай.
-
Памочнік Пуціна Патрушаў заявіў, што Расія бачыць пагрозу для сябе ў Балтыі. Дасталася і Фінляндыі
-
Аўстраліец пражыў 100 дзён з штучным тытанавым сэрцам у чаканні донарскай трансплантацыі
-
«Рускія і амерыканцы пляскаюць у ладкі». Масква, Берлін і Вашынгтон абмяркоўваюць аднаўленне паставак сыравіны ў Германію на НПЗ «Раснафты»
Цяпер чытаюць
Лукашэнка: У амерыканцаў няма ніякага плана, яны проста зандуюць глебу11
Каментары