Суд у Грузіі прыгаварыў Саакашвілі да чатырох з паловай гадоў турмы за незаконнае перасячэнне мяжы ў 2021 годзе, паведамляе «ТБ Пірвелі».
У Грузіі дзейнічае прынцып «паглынання пакарання « пры некалькіх прысудах, але суд можа выкарыстаць гэты прынцып толькі часткова, што і было зроблена сёння: да 4,6 гадоў суд дадаў восем гадоў ад прысуду, вынесенага на мінулым тыдні, калі Саакашвілі асудзілі да 9 гадоў па справе аб растраце бюджэтных сродкаў.
Гэта значыць агульны тэрмін турэмнага зняволення для трэцяга прэзідэнта Грузіі Міхаіла Саакашвілі павялічаны да 12,6 гадоў пазбаўлення волі.
Міхаіла Саакашвілі затрымалі ў кастрычніку 2021 года, калі ён вярнуўся, будучы ў вышуку, у Грузію напярэдадні парламенцкіх выбараў, і потым асудзілі на тры гады зняволення, потым яшчэ на тры.
На мінулым тыдні яму далі дзевяць гадоў па справе аб крадзяжы бюджэтных сродкаў.
Доўгі час Міхаіл Саакашвілі знаходзіцца ў турэмным шпіталі.
-
Бенгальскія агні на шампанскім сталі прычынай пажару ў бары ў Швейцарыі, дзе загінулі 40 чалавек
-
Кіруючая партыя Германіі хоча высылаць сірыйцаў, якія беглі ад грамадзянскай вайны, назад на радзіму — нават рэгулярнымі рэйсамі
-
Еўракамісія пачала расследаванне з-за тыктокаў, створаных з дапамогай штучнага інтэлекту, якія заклікаюць да выхаду Польшчы з ЕС
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Каментары