Кашалёк Лукашэнкі стаў уладальнікам брэнду музычнага фестывалю, куды запрашаюць расійскіх Z-спевакоў
Блізкі да сям'і Лукашэнкі Аляксандр Зайцаў зарэгістраваў на сябе брэнд музычнага фестывалю ў Пружанах, піша «Бюро».
У канцы чэрвеня 2025 года ў Пружанах на стадыёне «Мухавец» пройдзе open-air «Сонцастаянне». Сярод анансаваных хэдлайнераў пакуль толькі расійскія музыкі, якія падтрымалі вайну ва Украіне: Юлія Чычэрына, Святлана Сурганава, групы «Аліса», «Ария», «Чайф» і рок-калектыў «Крэматорый» — пра вайну ён маўчыць, але раней выступаў у акупаваным Крыме.
Даследнікі з «Бюро» вызначылі, што брэндам фестывалю валодае кашалёк Лукашэнкі Аляксандр Зайцаў. У жніўні 2024 года бізнэсмен стварыў кампанію «Сонцастаянне» для правядзення відовішчных культурна-масавых мерапрыемстваў. Ён жа зарэгістраваў на сябе аднайменны таварны знак, які цалкам супадае з лагатыпам фестывалю. У кастрычніку фірма змяніла сталічную прапіску на Пружаны.
Фестываль «Сонцастаянне» стартаваў у Беларусі мінулым летам. На маштабным канцэрце тады выступілі Вадзім Самойлаў («Агата Кристи»), Сяргей Бабунец («Смыславыя галюцынацыі»), групы «Браты Грым», «Маральны кодэкс», «Парк Горкага», «Кіпелаў», «The Чыж & Co» і іншыя. Многія з іх, як, напрыклад, Самойлаў і Кіпелаў, актыўна падтрымліваюць вайну.
У інстаграме «Сонцастаяння», дарэчы, дзясяткі абураных каментароў. Людзі незадаволеныя высокімі цэнамі на білеты. Так, у 2024 годзе наведвальнікі выкладалі ад 23 да 285 рублёў. А ў 2025-м білеты каштуюць ужо ад 190 да 650 рублёў у залежнасці ад зоны.
Побач з Лукашэнкам на хакеі з'явілася новая прыгажуня10
Каментары
печально это. до "свободной Беларуси" стране ой как ещё далеко.
это станет возможным только тогда, когда на эти г**но-мероприятия (включая слав.базар) вообще приходить перестанут.
но увы.. не предвидится..