Трамп націснуў чырвоную кнопку ў сябе на стале. І патлумачыў, навошта гэта зрабіў
Чырвоная кнопка на стале амерыканскага прэзідэнта ў Авальным кабінеце Белага дома патрэбна, каб прынеслі дыетычную колу. Пра гэта расказаў прэзідэнт ЗША Дональд Трамп журналістцы Fox Лоры Інгрэм.
Трамп, размаўляючы з журналісткай, падышоў да свайго стала і націснуў на чырвоную кнопку.
«Яны кажуць, калі я націсну на яе, то наступіць канец свету», — сказаў Трамп у адказ на просьбу журналісткі паказаць яму «кнопку колы». Ён паскардзіўся, што наведвальнікі Белага дома думаюць, што кнопка патрэбная для запуску ядзернай зброі.
Трамп падчас свайго першага прэзідэнцкага тэрміну распарадзіўся абсталяваць свой працоўны стол кнопкай, пасля націску якой у пакой уносілі шклянку газаванага напою. Падчас прэзідэнцтва Джо Байдэна кнопку прыбралі, але яна вярнулася разам з Трампам у авальны кабінет.
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары