Блогеру Мэлстрою адправілі позву на допыт у пасольства Расіі ў Чарнагорыі
МУС Расіі звязалася з чарнагорскімі ўладамі праз дыпламатаў і накіравала гомельскаму скандальнаму блогеру Андрэю Бурыму пад мянушкай Mellstroy апавяшчэнне аб выкліку ў органы ў найбліжэйшыя дні. Следства, акрамя падаткаў, зацікавілася і збіццём дзяўчыны на стрыме ў 2020 годзе, піша Mash.
Тады ў пацярпелай Алены Яфрэмавай дыягнаставалі закрытую чэрапна-мазгавую траўму, страсенне мозгу і ўдары. Верагодна, Мэлстрой не наведваў папраўчыя работы на працягу шасці месяцаў-іх суд прызначыў за пабоі (116 КК РФ).
Брату і маці Мэлстроя таксама прыйшлі паперы — іх чакаюць у пасольстве на наступным тыдні. Яны праходзяць сведкамі па справе аб адмыванні і легалізацыі грошай.
Гомельскі блогер Mellstroy атрымаў скандальную вядомасць у 2020 годзе, калі падчас аднаго з сваіх стрымаў збіў дзяўчыну. Пасля гэтага на Бурыма была заведзена крымінальная справа. У выніку ён атрымаў паўгода выпраўленчых работ і штраф.
Mellstroy у цэлым рэгулярна трапляе ў скандальныя навіны, даючы сваім гледачам вар'яцкія заданні і абяцаючы шчодрыя выплаты за іх выкананне. Тым не менш, гэтыя абяцанні не заўсёды выконваюцца.
Так, літоўскі хлопчык, які з гумарам папрасіў прэзідэнта сваёй краіны Гітанаса Наўседу перадаць прывітанне Mellstroy, з двух мільёнаў долараў, якія былі абяцаны за гэта, зможа атрымаць, добра калі, «толькі» 100 тысяч. Іншаму чалавеку было адмоўлена ў выплатах мільярда расійскіх рублёў (каля 11 мільёнаў даляраў) за размяшчэнне ніка Mellstroy на Месяцы.
1 чэрвеня на фінале Лігі чэмпіёнаў па футболе ў Лондане на поле выбег 16-гадовы падлетак у футболцы з лагатыпам Mellstroy. На судзе ён патлумачыў, што блогер абяцаў яму 385 тысяч даляраў. У выніку падлетка асудзілі да ўмоўнага тэрміну на шэсць месяцаў і абавязалі аплаціць уклад на пакрыццё судовых расходаў.
Больш падрабязна пра Андрэя Бурыма глядзіце ў відэа.
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню29
Каментары